web counter
LEXO PA REKLAMA!

SHKARKO APP

App Store
Google Play

E fundit!

x

“Tirana e paparashikueshme, në Korçë një mandat e kemi të sigurt”/ Tom Doshi intervistë për CNA

28 Prill 2025, 21:02, Politikë CNA

“Tirana e paparashikueshme, në Korçë një mandat e

Kreu i Partisë Social Demokrate, Tom Doshi këtë të hënë pasdite ka zhvilluar një takim elektoral në Korçë, ku ka prezantuar kandidatët e këtij qarku që garojnë në zgjedhjet parlamentare të 11 majit.

Pas takimit, Doshi ka dhënë një intervistë ekskluzive për CNA TV. I pyetur se sa mandate pretendon të marrë forca që ai drejton në të gjithë vendin, Doshi u përqendrua në qytetin e Korçës, për të cilin u shpreh i bindur se do të marrë një mandat. Po ashtu, shtoi se 3 mandate do të marrë në Shkodër, ndërsa në kryeqytet gara për të është e paparashikueshme.

"Tani, unë shifrën do ta jap për Korçën. Për Korçën mendojmë që një mandat e kemi të sigurt. Për Shkodrën – tre, ndërsa Tirana është e paparashikueshme, sepse aty jeton gjysma e Shqipërisë. Mbështetjen e kemi shumë të madhe. Për qarqet e tjera nuk dua të bëj deklarata sot, sepse nuk dua të tremb dy partitë e mëdha", tha Doshi.

 

Doshi u shpreh shumë i kënaqur nga takimi me qytetarët korçarë, ndërsa shtoi se shpreson që ky takim të vlejë që PSD të marrë një mbështetje të madhe në këtë qark.

"Jam shumë i kënaqur nga takimi. Dua t’i përshëndes të gjithë korçarët dhe banorët e qarkut të Korçës, dhe shpresoj që ky takim të vlejë që PSD të marrë një mbështetje të madhe në këtë qark", tha Doshi.

 

Në takimin e kësaj të hëne u pa një pjesëmarrje tejet e lartë e qytetarëve që mbështesin Partinë Social Demokrate të Shqipërisë, duke mbushur sallën e teatrit “Andon Zako Çajupi”./ CNA





Lajmet e fundit nga