web counter
LEXO PA REKLAMA!

SHKARKO APP

App Store
Google Play

E fundit!

x

“Rama nuk kompensoi euron”/ Berisha: Ka zhvlerësuar problemet e shqiptarëve

28 Prill 2025, 14:45, Politikë CNA

“Rama nuk kompensoi euron”/ Berisha: Ka zhvlerësuar problemet e

Kreu i Partisë Demokratike, Sali Berisha, zhvilloi këtë të hënë një takim me biznesin fason. Në fjalën e tij, Berisha tha se kryeministri Edi Rama në vend që të kompensonte për euron e rënë, doli me mendimin se fasonët janë ndërmarrje për botën e tretë.

Berisha tha se Rama ka ndërmarrë një tur me banalitete, duke zhvlerësuar problematikat e vërteta.

Berisha u shpreh se do bëhen edhe ndryshime në çmimin e ujit dhe energjisë elektrike.

“Edi Rama në vend se të kompensonte për euron e rënë, doli me mendimin se fasonët janë ndërmarrje për botën e tretë. Ja urdhëro të vijë këtu të shohë se cila është bota e tretë në duart tuaja. Fasonët janë prodhim, punësim dhe janë krenari kombëtare. Kjo është e vërteta.

Dhe fasonët e kanë një specifikë. Punësojnë në tërësi shumë më tepër gra sesa burra për shkak të kërkesave, vëmendjes, përqendrimit dhe cilësisë që kërkon puna e fasonit.

Ai ka ndërmarrë një tur me banalitete, me të cilat do të zhvlerësojë të gjitha problematikat e mëdha të krijuar sot për sipërmarrjen. Do të mbulojë falimentimet masive.

Nga viti 2023 deri në vitin 2024, eksportet në Shqipëri janë ulur me 32 për qind. Pra, pothuaj një e treta e vendeve të punës janë shkatërruar. Një e treta e rrogave që hynin në familje, nuk janë më.

Çdo vend ka një fond për mbrojtjen e eksporteve. Kur sheh vështirësi në ndërmarrjet e eksportit, u shkon në ndihmë sepse është prodhim, rrogë, familje...

Dhe kjo nuk ndodh. Ai vazhdon xhiron e tij me një fjalor të mjerë prej mjerani, por kjo situatë me 11 maj merr fund.

Unë ju garantoj ju se do kompensojmë çdo qindarkë të humbur në euro. Energjinë do ta shesim me 6 lekë nga 18 që e blejnë sot. Çmimin e ujit do ta përgjysmojmë. Çdo lloj qiraje do përgjysmohet dhe bashkitë nuk do mund të vendosin kurrë taksa mbi 1 për qind të xhiros. Kështu që edhe sipërmarrësi do ketë mundësi të zgjerojë, të investojë, të rrisë rrogat dhe të punësojë më shumë.

Ndaj dhe ju ftoj që këto 12 ditë që kanë mbetur, çdo familjar tuajin, çdo njeri që njihni, që akoma nuk është i vendosur, t’i paraqisni programin tonë se ky program është për çdo shqiptar.

E kemi thënë dhe e themi, ne do vendosim minimumin jetik për çdo pensionist me pension nën 200 euro, për çdo të papunë, për çdo njeri në ndihmë ekonomike, për çdo fëmijë me një prind dhe për studentët me bursë. Në këtë mënyrë japim një frymëmarrje më të madhe. Do rimbursojmë 100 për qind listën e ilaçeve që rimburson republika italiane. Do vendosim bonusin për fëmijën e parë 70 euro, për fëmijën e dytë 60 euro, për fëmijën e tretë nga lindja gjer 23 vjeç. Do bëjmë gjithçka për të kthyer sa më shumë shqiptarë”,-tha Berisha./CNA

 





Lajmet e fundit nga