web counter
LEXO PA REKLAMA!

SHKARKO APP

App Store
Google Play

Takim në Lezhë/ Doshi: Mandatin e katërt do ta marrë PSD-ja

28 Prill 2025, 15:41, Politikë CNA

Takim në Lezhë/ Doshi: Mandatin e katërt do ta marrë PSD-ja

Kryetari i Partisë Social-Demokrate, Tom Doshi, zhvilloi një takim në Lezhë. Kreu i PSD-së tha se të varfrit e lënë në harresë në këto 20 vite do jenë në fokusin e programit të kësaj force politike.

Doshi u shpreh se PSD në Lezhë do të marrë një mandat më 11 maj. Më tej Doshi tha se korrupsioni në vend është i dukshëm dhe po vret përditë njerëz.

Gjithashtu, kreu i PSD-së u shpreh se nga 76 mijë votues që ishin në vitin 2021, 30 mijë prej tyre kanë nevojë për ndihmë sociale.

“Në 76 mijë persona që kanë votuar në 2021-shin, 30 mijë kanë nevojë për ndihmë sociale. Jam një besimtar, në Ungjill dhe në Kuran predikohet të ndihmosh njerëzit e varfër. Kam bërë shumë që u kam shpëtuar jetën. E bëj për humanizëm, s’e bëj për vota. Ka ardhur koha që dy partitë e mëdha të mos tallen më me ju. Pajisja që unë ju kam thënë është një investim 10 milionë euro. Sa të krijohet qeveria e re buxheti për këto pajisje do të jetë brenda vitit. Po ta llogarisësh 30 milionë euro një kilometër, 300 metra rrugë i bie. Mos të bëjmë 300 metra rrugë, shpëtojmë mijëra jetë. Nxjerrin rritjen ekonomike 5%. Si 5% dhe më shumë se gjysma e popullsisë jeton në kushte skandaloze.

Korrupsioni është i padukshëm, vret njerëz përditë në masë.

Nuk i merr PS 4 mandate në Lezhë, nuk i merr as PD. Mandatin e 4-t do ta marrë PSD. Qeverinë e kam sulmuar për punë të këqija”, tha Doshi./ CNA





Lajmet e fundit nga