web counter
LEXO PA REKLAMA!

SHKARKO APP

App Store
Google Play

E fundit!

x

Kontrata e lobimit të PD-së/ Celibashi: Nuk kemi detyrim t’i kërkojmë PD-së këtë dokument

29 Prill 2025, 12:33, Politikë CNA

Kontrata e lobimit të PD-së/ Celibashi: Nuk kemi detyrim t’i

Komisioneri shtetëror i zgjedhjeve, Ilirjan Celibashi, zhvilloi këtë të hënë një seancë publike, ku u ndal në një sërë çështjesh të lidhura me zgjedhjet parlamentare të 11 majit. Celibashi u shpreh edhe në lidhje me një nga zhvillimet më të fundit politike para zgjedhjeve.

Pyetjes nëse është njohur me kontratën e lobimit të PD-së dhe nëse ka elementë shkeljesh në të, Celibashi iu përgjigj duke thënë se kjo kontratë nuk është në listën e dokumentacionit të kërkuar nga KQZ-ja për partitë politike.

Celibashi shtoi se në momentin që do ta kenë këtë kontratë, atëherë do të mund të japin komentet e tyre.

“Partitë kanë detyrimin që të raportojnë të ardhurat dhe shpenzimet vjetore. Raporti doëzohet jo më pak se 60 ditë nga afati për zgjedhjet. Edhe partia dhe aleanca në këtë rast. Depozitohet çdo dokument.

Nuk e kemi këtë kontratë dhe nuk kemi asnjë detyrim për t’ia kërkuar PD-së, përtej spekulimeve. Në momentin që do ta kemi këtë kontratë, do të japim edhe vlerësimin dhe komentin tonë për këtë dokument”,-tha Celibashi./CNA





Lajmet e fundit nga