web counter
LEXO PA REKLAMA!

SHKARKO APP

App Store
Google Play

E fundit!

x

Pse Berisha sulmon Altin Dumanin dhe Reformën në Drejtësi?

23 Maj 2024, 11:23, Politikë CNA

Ish-kryeministri Sali Berisha, dje e ka marrë përgjigjen e tij për sulmet ndaj kreut të SPAK-ut, Altin Dumani.

Sy për sy, drejtuesi i Prokurorisë së Posaçme iu përgjigj deputetit Flamur Noka duke thënë me emër, “Flamur, unë jam ai i pari, asgjë nuk ka ndryshuar tek unë”.

Ky është qëndrimi që ka mbajtur Altin Dumani dje në Komisionin e Ligjeve përballë deputetëve të opozitës, përballë atyre deputetëve që i ka në hetim, përballë deputetëve që i kanë familjarët në hetim apo përballë njërit prej tyre që rrezikon prangat apo se ka humbur mandatin për shkak të lojërave politike.

Apo përballë ndonjë deputeti, i cili kërkon të krijojë komisione për të kontrolluar pavarësinë e SPAK-ut dhe luftën e tij ndaj korrupsionit, për të shpëtuar hajdutët e pushtetit.(LEXO KETU)

Lufta e Sali Berishës me Altin Dumanin nuk e ka thelbin tek ai, pavarësisht sulmeve dhe akuzave. Sali Berisha kërkon të godasë Reformën në Drejtësi, por ka zgjedhur mënyrën e gabuar.

Pse?

Së pari, institucioni i Reformës në Drejtësi, ia tha dhe Fatmir Xhafaj dje, ndoshta dhe e kuptoi doktori, nuk është vetëm SPAK-u.

SPAK-u, në fakt, është i vetmi institucion i Reformës në Drejtësi që ka rezultate spektakolare në luftën ndaj korrupsionit. Asnjë institucion tjetër më parë nuk ka pasur të tilla rezultate.

Cili është krahasimi?

Pa bërë diversion brenda institucionit të SPAK-ut, ka qenë prokurori Arben Kraja që ka drejtuar këtë institucion dhe është ai personi, i cili ka pasur dosjet e inceneratorëve, që kanë vajtur në duar të ndryshme dhe janë ndarë, por dhe vetë opozita nuk i ka çuar në një të vetme, ama ka qenë në kohë të ndryshme, në hapa të ndryshëm.

Pse Berisha sulmon Altin Dumanin dhe Reformën në Drejtësi?

Kraja ka zgjatur hetimet tërkuzë. Kjo u pa qartë me ardhjen e Dumanit në krye të SPAK-ut dhe ritmit që i dha institucionit.

Nga ana tjetër, kemi lidhje të familjarëve të disa prokurorëve të SPAK-ut me institucionet e shtetit shqiptar dhe të qeverisë i mbanin ata deri diku peng, ndërsa me ardhjen e Dumanit në krye të SPAK-ut, tashmë rruga është më e drejtpërdrejtë, më e qartë dhe qëllimi më i pastër.

Por nuk janë vetëm Dumani dhe vetëm SPAK-u. Ka struktura të tjera të rëndësishme të Reformës në Drejtësi, janë ILD, KLGJ, KLP, Gjykata e Lartë, Gjykata Kushtetuese.

Sali Berisha i ka harruar të gjitha këto institucione, drejtuesit e tyre, zullumet, mënyrat si janë zgjedhur, skandalet, vendimet e gjykatave. Fakti që është edhe një Prokurori tjetër e drejtuar nga Olsian Çela dhe prokuroritë e rretheve, gjykatat e rretheve.

Pra, Sali Berisha ka vendosur të godasë Reformën në Drejtësi duke goditur Altin Dumanin, sepse ai është kreu i SPAK-ut dhe sepse Arben Kraja po e heton Sali Berishën për një aferë pa akuzë, po e mban në arrest shtëpie e kështu me radhë.

Në fakt, Sali Berisha të drejtën mund ta gjejë edhe brenda drejtësisë shqiptare, mund ta gjejë edhe në Strasburg.

Ai do të vazhdojë betejën e tij, e cila është krejtësisht një betejë politike, por doktori diçka duhet ta shohë dhe theksojë se pa Altin Dumanin e pa betejën e SPAK-ut, pa prokurorët e këtij institucioni, pa Klodian Brahon, pa Dritan Prençin e shumë të tjerë në atë institucion, pa disa oficerë të BKH-së dhe njerëzit që kanë bashkëpunuar dhe kanë ngritur aq shumë kauza dhe hetime, kanë bërë aq shumë punë në SPAK, opozita sot do të ishte edhe më “kashtë e k*qe” sesa është në këto momente.

Ky është fakt, se pa këto çështje, pa këto kauza, pa këta ministra, pa zëvendëskryeministra, pa kryetarë bashkish dhe pa aferat që hetohen nga SPAK-u, opozita tashmë do të ishte duke folur për dardhat dhe mollët që i haheshin ende pas shpinës Edi Ramës./ CNA

 





Lajmet e fundit nga