web counter
LEXO PA REKLAMA!

SHKARKO APP

App Store
Google Play

Berisha sulmon mediat/ “Po censuroni lajmet për deputetët famëzinj të Ramës”

21 Maj 2024, 21:06, Politikë CNA
Berisha sulmon mediat/ “Po censuroni lajmet për deputetët
Ish-kryeministri Sali Berisha

Ish-kryeministri Sali Berisha sulmoi mbrëmjen e sotme mediat gjatë fjalës së tij në protestën e përnatshme në rrugën “Mustafa Matohiti”.

Berisha tha se mediat po censurojnë lajmet dhe nuk po raportojnë se Eduirt Ndreca dhe Rrahman Rraja janë deputetë të zgjedhur nga kryeministri Edi Rama.

Sipas tij, mediat nuk lakuan emrin e Ramës si padronin e deputetëve në raportimet për operacionin e fundit të SPAK-ut.

“Miqtë e mi, mbrëmë në studiot televizive u lakua emri i Eduard Ndrecës, deputetit famëzi që zotëronte plantacionet më të mëdha të kanabisit dhe mbante edhe shtëpi bari, shtëpi kanabisi. Po kush e emëroi, kush e zgjodhi Eduard Ndrecën deputet? I cilës parti ishte o të nderuar gazetare dhe gazetarë? Po në qoftë se nuk guxojmë t’i themi armikut, armik, kriminelit, kriminel, Edi Ramës se ti i tillë je, si mund të shpëtojë Shqipëria prej tij?

Miqtë e mi, unë kam respekt për gazetarët, kam respekt për analistët, por nuk mund të pranojmë kurrë që ata të flasin për përdhunues, vrasës serialë, trafikantë sikur i përkasin Ugandës dhe jo Shqipërisë. Sikur kanë të bëjnë me Mugolinin dhe jo me Edi Ramën. Por e gjithë Shqipëria e di, dhe më mirë se kushdo Kruja, se përfaqëson klani mafioz kriminal Rrahman Rraja.

Mbrëmë Rrahman dhe Xhelal ishin personazhe të zeza në studiot televizive, por padronit të tyre Edi Rama nuk i lakohej ndonjëherë emri. Po kush e zgjodhi dy herë në lista Rrahman Rrajën, kryemafiozin e Shqipërisë së Mesme? A e zgjodhi Edi Rama o të nderuar qytetarë? Atëherë, si mund të censuroni ju një akt të tillë në studiot televizive? Po kush liroi sadistin e Rrahman Rrajës, që dogji me cigare trupin e viktimës? A nuk e liroi Taulant Balla, njeriu me 5 mbiemra? Po çfarë është ai krahasuar me Taulantin?

Më thoni ju miq, a nuk është kjo një vello e zezë censure mbi mendjen, mbi informacionin në hapësirën shqiptare? A nuk shkoi Taulant Balla dhe e rrëmbeu nga komisariati kriminelin Rraja? A nuk provoi me këtë Taulant Balla se është thjesht një ushtar i këtij klani mafioz?

Miqtë e mi, shqiptarët prisnin nga ju të dashur gazetarë që t’ua numëronit një për një në fytyrë kriminelëve në pushtet se ata të tjerët, atje krijuan perandorinë e tyre vetëm duke ndarë pasuritë me Edi Ramën”, theksoi kreu i PD-së./ CNA





Lajmet e fundit nga