web counter
LEXO PA REKLAMA!

SHKARKO APP

App Store
Google Play

"Vdekjeprurëse për Bashkinë Tiranë"/ PD, shkresë në SPAK për dëshminë e Mërtirit

26 Dhjetor 2023, 13:12, Politikë CNA
"Vdekjeprurëse për Bashkinë Tiranë"/ PD,
Mirel Mërtiri

Ish-kryeministri Sali Berisha, në një konferencë për mediat, ka hedhur akuza ndaj Erion Veliajt dhe Edi Ramës për aferën me inceneratorin e Tiranës. 

Ai thekson se Rama dhe Veliaj janë autorët kryesorë të kësaj vjedhjeje. 

"Rama dhe Veliaj janë autorët e kësaj vjedhjeje. Rama dhe Veliaj kontrollojnë SPAK-un e partisë, që një akt kriminal sa është vjedhja shpall amnistinë e Veliajt dhe Ramën me dosjen që dërgon në gjykatë. Vjedhja e shekullit nuk do t'u ndahet kurrë, çfarë vendimi dhe mase që të marrin hajdutëve Rama, Veliaj, Agaçi dhe Metani", u shpreh Berisha.

Ndërsa, anëtari i Kryesisë së PD-së, Belind Këlliçi, theksoi se ditën e nesërme do të depozitojë një shkresë për dëshminë e Mirel Mërtirit gjatë intervistës së dhënë në një televizion. 

Sipas Këlliçit, dëshmia e Mërtirit fakton provat dhe faktet që PD ka dërguar muaj më parë në Prokurorinë e Posaçme për aferën me inceneratorin e Tiranës. Sipas Këlliçit, dëshmia e Mërtirit është vdekjeprurëse për Bashkinë Tiranë. 

"Mërtiri dha një intervistë shumë të gjatë në 'Syri TV', në daljen e tij të parë ka faktuar disa nga provat dhe faktet që ne i kemi dërguar Prokurorisë së Posaçme me dëshminë e tij. Një shkresë zyrtare do të depozitohet ditën e nesërme zyrtarisht të firmosur nga unë në lidhje zbërthimin e kësaj dëshmie përvëluese, vdekjeprurëse për Bashkinë Tiranë", u shpreh Këlliçi./CNA

 





Lajmet e fundit nga