web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 30-të para Bashkisë së Tiranës/ Këlliçi, thirrje qytetarëve: Takohemi të premten 

22 Tetor 2024, 16:58, Politikë CNA
Protesta e 30-të para Bashkisë së Tiranës/
Fotomontazh - Edi Rama dhe Erion Veliaj

Të premten e 25 tetorit, duke nisur nga ora 11:00, qytetarë, përfaqësues të Mbrojtjes së Teatrit, si dhe eksponentë të Partisë Demokratike dhe Partisë së Lirisë, do të protestojnë sërish në tubimin e 30-të para Bashkisë së Tiranës.

Lajmërimin e ka bërë drejtuesi Politik i PD-së për qarkun e Tiranës, Belind Këlliçi, i cili fton qytetarët të takohen para bashkisë së kryeqytetit, duke e cilësuar godinën, si selinë e 5D-së dhe Inceneratorit Tiranë.

“Ndërkohë që Tirana vidhet 80.000 euro në ditë nga pronari faktik i inceneratorit Tiranë, SPAK jo vetëm që nuk guxon të zbatojë ligjin dhe të çojë hajdutin Erion Veliaj prapa hekurave, por me standardin e vendosur të hënën në ndalimin e Ilir Metës, nuk është çudi që së shpejti të akuzojnë Berishën, Metën dhe cilindo opozitar tjetër, për korrupsionin dhe vjedhjet e Edi Ramës & Erion Veliajt!”, thotë Këlliçi.

Ai fton qytetarët të reagojnë ndaj padrejtësive që po ndodhin çdo ditë në vendin tonë.

“Shqiptar mos rri, por duku! Mos prisni që t’ju vijë radha, se kur të vijë ajo ditë, në Shqipëri nuk do ketë mbetur kush për ta ngritur zërin për ju! Reagoni para se të jetë vonë dhe për ju! O sot, o kurrë”, thekson drejtuesi i PD-së për Tiranën.

Protestuesit prej javësh kanë protestuar para bashkisë, ndërsa kanë kërkuar largimin e Veliajt nga bashkia, si dhe të mbajë përgjegjësi për aferat e kryera në Bashkinë e Tiranës./ CNA





Lajmet e fundit nga