web counter
LEXO PA REKLAMA!

SHKARKO APP

App Store
Google Play

Opozita në mosbindje civile/ Skenarët, çfarë do të ndodhë nesër para Parlamentit Europian?

22 Tetor 2024, 09:57, Politikë CNA

Opozita në mosbindje civile/ Skenarët, çfarë do të

Opozita ka nisur aksionin e saj dhe mosbindjen civile deri në ngritjen e një qeverie teknike.

Në 7 tetor, opozita thirri protestë kombëtare, ku qytetarët u vunë zjarrin institucioneve kryesore në vend, si dhe paralajmëroi se nuk do të ndalej në aksionin e saj.

Kështu PD bëri me dije se në datën 23 tetor të 2024 do të zhvillohet një protestë para Parlamentit Europian.

Skenarët e mundshëm të opozitës

Mësohet se drejt Strasburgut do të udhëtojnë disa deputetë. Një grup do të hyjë brenda PE-së, ku do të njoftojnë eurodeputetët për situatën në Shqipëri, ndërsa grupi tjetër do të qëndrojë jashtë Parlamentit Europian me pankarta.

Thirrja për protestë kombëtare

Një ditë më parë kreu i PD-së, Sali Berisha, njoftoi protestën e dytë kombëtare që do të mbahet kryeqytet.

Protesta është thirrur me datë 29 tetor. Ai u bëri thirrje të gjithë shqiptarëve që të bashkohen kundër regjimit.

Kujtojmë se një ditë më parë u vu në pranga kreu i Partisë së Lirisë, Ilir Meta, i cili akuzohet për pastrim parash, për korrupsion dhe fshehje të pasurisë.

Po ashtu ndaj deputetes Monika Kryemadhi u vendos masa e sigurisë detyrim me paraqitje.

Pirro Xhixho, ish-drejtori i AKEP-it u vendos në arrest shtëpie, ndërsa Ema Çokut iu vendos masa detyrime me paraqitje./ CNA





Lajmet e fundit nga