web counter
LEXO PA REKLAMA!

SHKARKO APP

E fundit!

x

Meta pas hekurave: Besoj në pafajësinë time, jam krenar!

21 Tetor 2024, 20:52, Politikë CNA
Meta pas hekurave: Besoj në pafajësinë time, jam krenar!
Ilir Meta

Kryetari i Partisë së Lirisë, Ilir Meta ka reaguar në rrjetin social “Facebook” ku shkruan se rrëmbimi i tij ditën e sotme  banditeske tregon panikun e regjimit diktatorial nga ballafaqimi me të vërtetat.

Meta i arrestuar tashmë për tre vepra penale, shkruan se ndihet krenar e më i fortë se kurrë dhe hedh poshtë akuzat e SPAK-ut duke u shprehur se beson në pafajsinë e tij të plotë.

"Falenderoj përzemërsisht të gjithë anëtarët e Partisë së Lirisë për mbështetjen e jashtëzakonshme që më kanë dhënë deri tani.

Po kështu nga sot lufta jonë nis një faqe të re në përballjen pa asnjë kompromis me Narkoshtetin e instaluar brutalisht.

Jam i bindur në fitoren e kauzave tona kombëtare dhe demokratike!

Armiqtë e kombit tonë dhe demokracisë do u ngrijë e qeshura në buzë~

Rrëmbimi im sot në mënyrën më banditeske tregon panikun e regjimit diktatorial nga ballafaqimi me të vërtetat.

Ju siguroj se pas njohjes me vendimin e arrestimit tim ndihem më i fortë se kurrë dhe besoj edhe shumë në pafajësinë time të plotë.

Ndihem krenar që jam rrëmbyer dhunshëm nga antishqiptarët dhe shqipfolësit vetëm për patriotizmin tim dhe mbrojtjen e interesave kombëtare."/CNA

 





Lajmet e fundit nga