web counter
LEXO PA REKLAMA!

SHKARKO APP

App Store
Google Play

E fundit!

x

Implementimi i minimumit jetik/ Teliti: E miratojmë sa të vijmë në pushtet, indeksimet e qeverisë janë fiktive

22 Tetor 2024, 13:32, Politikë CNA
Implementimi i minimumit jetik/ Teliti: E miratojmë sa të vijmë
Dorjan Teliti

Implementimi i minimumit jetik në Shqipëri është një çështje e përmendur shpesh në programet e partive politike në afërsisht 15 vitet e fundit, herë në formë premtimi e herë vetëm si ide, implementimi ka mbetur vetëm në letër.

Për koordinatorin për programin ekonomik në PD, Dorjan Teliti, minimumi jetik është ndër hapat e parë që do siguronte se shqiptarët nuk do të vuanin për produktet bazë të tryezës. Në një intervistë për CNA TV, Teliti ngriti disa problematika, mes tyre mosbarazinë e indeksimit të pensioneve apo ndihmës ekonomike në raport me rritjen e çmimeve e gjithashtu përmendi se që prej qershorit të 2023, PD ka depozituar në Kuvend projektligjin për vendosjen e minimumit jetik.

"Në 11 vitet e fundit pensionet janë rritur afërsisht 30%, por çmimet janë rritur deri në 2 apo 3 herë më të larta në varësi të llojit të produktit dhe indeksimi është fiktiv. Kjo ka bërë që mbi 90% e pensionistëve shqiptarë të jetojnë në varfëri dhe hyjnë tek ajo pjesë e 46%-shit që janë të privuar si materialisht ashtu edhe nga ana sociale.

Prej 16 muajsh kemi të depozituar në Kuvendin e Shqipërisë projektligjin që përcakton minimumin jetik. Duam apo nuk duam ky është realit i ri dhe me ardhjen e PD në pushtet, ju siguroj se një ndër vendimmarrjet e para do të jetë miratimi i atij propozimi i cili 'fle gjumë' në sirtaret e Kuvendit prej 16 muajsh", u shpreh Teliti për CNA.

Por ku do t'i gjejë Shqipëria fondet për të përballuar ndikimin ekonomik në buxhetin e shtetit pas implementitmit të minimumit jetik. A është i mundur realizimi edhe sot?

"Vendosja e minimumit jetik është domosdoshmëri sot. Duhen rialokuar paratë e buxhetit të shtetit nga ato orientime që paguhen sot për një program të ri të mbështetjes sociale. Masat që duhet të marrim janë dy. Rritja e prodhimit dhe mbështetja e konsumit dhe këtë do ta bëjmë sidomos duke u dhënë shtresave të varfra një vlerë minimaliste, e cila sot llogaritet në 200 apo 220 euro. Zgjidhje tjetër nuk ka. Këto para që do shkojnë te familjet e varfra do përdoren për konsum, për çdo produkt të blerë paguhet TVSH, bizneset do punësojnë njerëz që do të paguajnë taksa. Pra afërsisht 50% e parave që do jepen për shtresat në nevojë do t'i kthehen buxhetit, që është instrument që ka objektiv rritjen e mirëqenies së shqiptarëve. Për këtë kërkohen 200 milionë euro, ku rikujtoj që buxheti i shtetit sot është 7.6 miliardë euro", tha Teliti.

Ndër të tjera në intervistën për CNA TV, Teliti komentoi kërkesën për qeveri teknike dhe formën e protestave deri në mosbindje civile për të cilat tha se është e vetmja mënyrë dhe se nëse qëillimi do të arrihet do shihet në muajt në vijim./ CNA





Lajmet e fundit nga