web counter
LEXO PA REKLAMA!

SHKARKO APP

App Store
Google Play

E fundit!

x

Rikthimi i mbetjeve toksike në Portin e Durrësit/ Muçollari: Të zbardhet skandali i trafikut të tyre

22 Tetor 2024, 14:24, Politikë CNA

Rikthimi i mbetjeve toksike në Portin e Durrësit/ Muçollari:

Anëtari i Kryesisë së PD-së, Grigels Muçollari, ka folur për rikthimin e mbetjeve toksike të rrezikshme në Portin e Durrësit.

Muçollari në deklaratën për mediat theksoi se ky skandal duhet të zbardhet.

Ai u bën thirrje organizatave, Rrjetit të Bazelit dhe qytetarëve të jenë të pranishëm kur të vijë anija me mbetjet toksike dhe që procedura të kryhet me 3 kontejnerë të vulosur, të pahapur, dhe në 3 laboratore të ndryshme.

“Sipas Rrjetit të Bazelit, këtë të diele, me 27 tetor, do të rikthehen në Portin e Durrësit, 102 kontejneret me mbetje të dyshimta, të ngarkuara aty me 4 korrik.

Rrjeti i Bazelit, organizata më e specializuar për mbetjet e rrezikshme e toksike dha alarmin e para se këto ngarkesa ishin të dyshimta, dhe se trafiku i tyre ishte i paligjshëm.

Pas kesaj, vendi ku do të mberrinin, Tajlanda, refuzoi të mbante ngarkesat nga Shqiperia dhe anijet u kthyen mbrapsht.

Në keto 3 muaj, qeveria, ministrat përgjegjës dhe Kryeministri kanë mohuar çdo përgjegjësi, kanë fajesuar operatorin privat që ata vetë e kanë licensuar, kanë fajesuar Opozitën, dhe kanë thënë se mbetjet nuk janë të rrezikshme.

E vërteta po vjen bashkë me anijet.Por, këtu nis një problem tjetër edhe më i madh.

Të gjithë dyshojnë se qeveria nuk do të bëjë transparence, nuk do ta bëjë testimin sipas standardeve, dhe do të bëjë gjithçka për ta manipuluar rastin, për ta fshehur realitetin.

Ndaj dhe Rrjeti i Bazelit, insiston sêrish që ky proces të mos i lihet në dorë qeverisë, por të behet në praninë e tyre, të ekspertëve, të shoqërisë civile dhe në sytë e publikut.

Partia Demokratike prej ditës së parë këtë ka kerkuar.

Që të ketë transparencë, llogaridhenie e të mbahet përgjegjësi. Ne e dimë mirë se Edi Rama ka luajtur e do të luaje çdo gur që ka në dorë që të mos dalë i perfshirë në trafik ilegal të lendeve të rrezikshme apo toksike.

Ne do të deshironim shumë që kjo të mos ishte e vertetë. Do të donim që në ato anije të mos kishte mbetje që rrezikojnë jetën, shendetin dhe mjedisin tonë.

Por të dhenat e deritanishme dhe menyra se si janë sjellë ministrat përgjegjës e Kryeministri, të bëjnë t? mendosh se ky krim ka ndodhur.

Zbardhja e kesaj ngjarje është e një rendesie themelore.

Partia Demokratike u ben thirrje organizatave, Rrjetit të Bazelit dhe qytetarëve të jenë të pranishëm. Procedura të kryhet me 3 kontejnere të vulosur, të pahapur, dhe në 3 laboratore të ndryshme. Të mesojmë të verteten e mbetjeve të rrezikshme. Të mos e lejojme Edi Ramen ta fshehë këtë aferë, dhe të mos luajë me jeten e shendetin e njerëzve thjesht për të mbrojtur karrigen e pushtetin e tij.

Të jemi të gjithë aty e të mos lejojmë qeverinë të bëjë trafik të së vërtetës mbi trafikun e mbetjeve të rrezikshme” theksoi Muçollari./ CNA





Lajmet e fundit nga