E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Po nuk pate turp…

8 Prill 2023, 18:33, Opinione Hysni Gurra

Po nuk pate turp…
Po nuk pate turp nuk e ke problem të thuash se në Tiranë janë mbjellë 1 milion pemë.

Një milion pemë janë baraz me 30 parqe sa parku artificial në kryeqytet.

Po nuk pate turp nuk e ke problem të thuash se 60% e popullsisë në Tiranë marrin ujë 24 orë ose mesatarisht 18 -20 orë në ditë.

Vetë Enti Rregullator i Ujit thotë se Tirana furnizohet mesatarisht me 11 orë në ditë.

Po nuk pate turp nuk e ke problem të thuash se nuk është vërtetë që punonjësit e bashkisë me mjetet e bashkisë u kapën duke bërë punën e një kompanie private që kishte fituar tenderin.

Po nuk pate turp nuk e ke problem të thuash që taksën e marrë për arsimin e kemi përdorur për arsimin.

Dhe ke zona me 70-100-mijë banorë pa shkollë, kopësht e çerdhe në Tiranë.

Ke shkolla me dy turne dhe ke akoma mesatare nxënësish për klasë 49.8.

Po të ishin përdorur 42 milionë euro taksë për arsimin nuk do të kishte problem me godina (shkolla) as Tirana dhe as pjesa tjetër e Shqipërisë.

Po nuk pate turp nuk e ke problem që del kundër ligjit dhe në vend që ndërtuesve t’u marrësh banesa sociale për qytetarët, u merr lekë për çifligarët.

Lekë që i përdor edhe për koncerte e tallava.

Po nuk pate turp, nuk e ke problem të thuash se po zgjidhim problemin e trafikut në Tiranë, ndërkohë që trafiku është kthyer në stres, kohë e humbur e gangrenë prej vitesh.

Po nuk pate turp nuk e ke problem të thuash se është “opozita që na ka bllokuar dy vjet te Astiri”.

Te Astiri, 2 kilometra rrugë “punohet natë ditë” prej 10 vitesh, por rruga nuk mbaron.

Po nuk pate turp nuk e ke problem të thuash se “nuk kemi ndërmend të bëjmë debat televiziv me kundërshtarët për zgjedhje se ne e kemi kontratën me zgjedhësit.

Po nuk pate turp nuk e ke problem të thuash se paguajmë më pak se vendet e tjera për incineratorët.

E vërteta është se paguajmë për incinerim dhe trajtim dhe bëhet vetëm groposje e tyre.

Pra, po nuk pate turp- në vend të pyesësh Veliajn për gënjeshtrat dhe gjërat që nuk i ka bërë në 8 vite, pyet Belindin: pse do ti që të bësh transportin falas për qytetarët? Ku do i marrësh paratë…etj?

Po nuk pyesin Veliajn ku i ka çuar paratë e taksapaguesve këto 8 vite.
Po nuk pate turp - thotë një thënie e vjetër, bëj çfarë të duash.