E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Përgjimet ndaj Veliajt/ Gazetarja zbulon të tjera detaje, cili ishte synimi i prokurorisë

13 Mars 2025, 22:48, Politikë CNA

Përgjimet ndaj Veliajt/ Gazetarja zbulon të tjera detaje, cili ishte

Gazetarja Bleona Metushi në emisionin Opinion të Blendi Fevziut ka zbuluara detaje në lidhje me përgjimet e bëra ndaj kryebashkiakut Veliaj.

Sipas gazetares, prokuroria i dorëzoi përgjimet për të treguar atë që ajo pretendon, pra personalitetin dhe dëshirën e kryebashkiakut për të paraqitur ndryshe rrethanat të cilat prokuroria është duke i hetuar, pra nuk lidhet me faktin e vijimit të një krimi, por më shumë për të treguar që masa e sigurimit duhet të vijojë në të njëjtën “arrest me burg”.

Ndër të tjera thekson se deri më tani burimet kanë konfirmuar se këto biseda janë dorëzuar nga ana e Prokurorisë së Posaçme në Gjykatën e Apelit për të treguar se tentativat e më hershme të konfirmuara edhe me një mesazh telefonik që kryebashkiaku Erion Veliaj i kishte dërguar gjatë kontrolleve në muajin Dhjetor një hetuesi të BKH, në vazhdën e kësaj dy prokurorët pretenduan përballë gjyqtarit Engert Pëllumbi që masa e sigurisë nuk duhet të ndryshohet, pasi kjo sjellje që është konstatuar gjatë hetimeve vijon të jetë e njejtë nga ana e kryebashkiakut.

Deklarata e gazetares:

Bleona Metushi: Pas ankimit të bërë nga ana e kryebashkiakut Erion Veliaj për masën e sigurimit “Arrest me burg” Prokuroria e Posaçme iu përgjigj me një kundër ankim në gjykatën e Apelit aty ku ditën e martë në përfundim të fjalës së tyre, pra ato folën të fundit duke qenë se në lëvizje gjykatën e Apelit e kishte vendosur pala Erion Veliaj dhe të hetuarit e tjerë, dy prokurorë e posaçëm e dorëzuan gjyqtarit të posaçëm të Apelit, Engert Pëllumbi disa transkipte përgjimesh të cilat ata i kishin përftuar që nga momenti që Erion Veliaj ishte vendosur në paraburgimin e Durrësit.

Blendi Fevziu: Pra ata e kanë përgjuar Erion Veliajn në paraburgimin e Durrësit, por ishte përgjim me apo pa lejen e Gjykatës?

Bleona Metushi: Ishte një përgjim që është kërkuar një vendim gjyqësor më herët nga ana e Prokurorisë, i miratuar dhe më pas nuk konfirmohet ende se për sa ditë ka zgjatur ky përgjim megjithatë është një numër i konsiderueshëm bisedash. Janë biseda telefonike që kryebashkiaku Erion Veliaj i ka pasur me vëllain e tij, por edhe me bashkëshorten e tij Ajola Xoxa, nga kabina e burgut.

Deri më tani burimet kanë konfirmuar se këto biseda dhe për këtë arsye janë dorëzuar nga ana e Prokurorisë së Posaçme në Gjykatën e Apelit për të treguar se tentativat e më hershme të konfirmuara edhe me një mesazh telefonik që kryebashkiaku Erion Veliaj i kishte dërguar gjatë kontrolleve në muajin Dhjetor një hetuesi të BKH, në vazhdën e kësaj dy prokurorët pretenduan përballë gjyqtarit Engert Pëllumbi që masa e sigurisë nuk duhet të ndryshohet, pasi kjo sjellje që është konstatuar gjatë hetimeve vijon të jetë e njejtë nga ana e kryebashkiakut.

Bleona Metushi: Janë konstatuar biseda të cilat krybashkiaku Erion Veliaj orientonte apo bisedonte me njerëzit e tij në lidhje me intervistat në televizionet të cilat do të kryheshin, por edhe për strategjinë e tyre publike për tu mbojtur. Nuk konsiderohet krim nga ana e prokurorisë. Unë e sqarova që prokuroria i dorëzoi këto për të treguar atë që ajo pretendon, pra personalitetin dhe dëshirën e kryebashkiakut për të paraqitur ndryshe rrethanat të cilat prokuroria është duke i hetuar, pra nuk lidhet me faktin e vijimit të një krimi, por më shumë për të treguar që masa e sigurimit duhet të vijojë në të njëjtën “arrest me burg”./ CNA