web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi miraton 10 projektligje/ Votohet ‘Plani i Rritjes i BE-së’ dhe ‘Paketa e Maleve’

13 Mars 2025, 16:59, Politikë CNA

Kuvendi miraton 10 projektligje/ Votohet ‘Plani i Rritjes i

U mbajt sot gjatë pasditës seanca plenare e së enjtes në Kuvendin e Shqipërisë. Gjatë seancës u diskutuan me rend dite disa prej çështjeve të rëndësishme, ku përfshihet projektligji i “Paketës së Maleve”, ‘Plani i Rritjes i BE-së’, hapja e zyrës së Parlamentit Evropian në Tiranë, shtyrja e afateve të Komisioneve Xhafaj dhe Braçe, kanabisi mjekësor dhe projekti 'Smart City'.

Ra në në sy mungesa e deputeëve të PD-së. Megjithatë, u kalua në votim vendimi për 10 projektligje.

Kuvendi miratoi me 74 vota pro “marrëveshjen e huasë mes Bankës së Shqipërisë dhe Bashkimi Evropian për lehtësinë e reformave dhe zgjerimit për Ballkanin Perëndimor”. Marrëveshja parashikon ndihmë financiare 657 milionë euro kredi dhe 264 euro grante me fokusin në 5 objektiva kryesore: rritjen e konkurrueshmërisë, kualifikimin e kapitalit njerëzor, konsolidimin e qëndrueshmërisë energjetike, transformimin digjital si dhe konsolidimin e shtetit të së drejtës.

Projektligji "Për ratifikimin e marrëveshjes së facilitetit mes Shqipërisë dhe BE-së" mori 73 vota pro, kurse ai për “Paketën e Maleve” mori përveç 73 votave pro të mazhorancës, edhe 1 kundër dhe 1 abstenim të deputetëve opozitarë në sallë.

Kultivimi i kanabisit mjekësor mori shumicë votash me 74 prej tyre, asnjë kundër dhe asnjë abstenim. Projektligji për asistencën mori 73 vota pro dhe abstenimin e deputetit Leskaj. 

Gjithashtu u miratuan edhe shtyrjet e afateve të Komisioneve të Posaçëm dhe të Dezinformimit të Fatmir Xhafajt dhe Erion Braçes me 73 vota pro, asnjë kundër dhe asnjë abstenim.

Projektligji "Për ratifikimin e marrëveshjes ndërmjet Republikës së Shqipërisë dhe Bankës Evropiane të Investimeve lidhur me hapjen e përfaqësisë së Bankës Evropiane të Investimeve në Shqipëri" siguroi 72 vota pro dhe asnjë kundër apo abstenim./CNA





Lajmet e fundit nga