web counter
LEXO PA REKLAMA!

SHKARKO APP

App Store
Google Play

Përfundimi i procesit të numërimit në Durrës/ Bylykbashi: Rama nuk ia doli të merrte mandatin e 9

19 Maj 2025, 22:49, Politikë CNA

Përfundimi i procesit të numërimit në Durrës/

Drejtuesi i PD për qarkun e Durrësit, Oerd Bylykbashi ka reaguar pas përfundimit të numërimit të votave për qarkun e Durrësit.

Në një status në rrjetet sociale Bylykbashi ka falënderuar votuesit demokratë dhe strukturat e PD të qarkut Durrës.

Bylykbashi shkruan se Rama përdori çdo mjet për të arritur mandatin e 9 në Durrës, që e kishte parashikuar në “memorandumin” e Kuçit, por nuk ia doli.

 

Statusi i Bylykbashit

Numërimi i votave të qarkut Durrës, përfshirë diasporën, mbaroi sot.

Falenderoj me përulje e me zemër çdo votues që votoi për PD, koalicionin e saj për programin dhe vizionin që ofroi: NDRYSHIM.

Falenderoj çdo demokrat, anëtar e simpatizant, që nuk votoi thjesht, por bëri çmos të bindte familjarin, shokun, mikun, fqinjin, të njohurin, se Shqipëria nuk mund të vazhdojë të grabitet nga Edi Rama.

Falenderoj ato struktura dhe drejtuesit e PD të Durrësit, Shijakut, Krujës e Fushë Krujës, për punën e tyre, përtej agresionit e presioneve që përballuam, vështirësive e mangësive që patëm në këto vite të vështira. PD i është mirënjohëse e në borxh gjithkujt që punoi me sakrificë, pa u ankuar.

Falenderoj të gjithë kandidatët, veçmas dhe në skuadër për fushatën që bënë, derë më derë e dorë më dorë. Ishte nder të ishim bashkë në këtë betejë. Faleminderit Gent Strazimiri, Igli Cara, Manjola Luku, Artan Luku, Arian Ndoja, Aulon Kalaja, Andia Ulliri, Edlira Harizi, Emri Vata, Skënder Dika, Viola Kapidani, Ilirjana Kuçana, Shyqyri Myrtollari, Jola Hysi, Ndrec Pjetri, Petro Vokopola, Adriatik Hoxha e Pëllumb Shullazi.

Pa ju të gjithë, punen dhe votën tuaj, Edi Rama do ta kishte arritur objektivin për 9 mandate në Durrës duke qenë ndër pak qarqet ku PD ruajti rezultatin e 2021. Falë përpjekjes sonë të përbashkët me besim, PD dhe opozita në qarkun e Durrësit është ndër pak rastet që i rezistoi sulmit të aleancës së Edi Ramës dhe shtetit të tij politik me krimin e organizuar, dhjetëra miliona eurove që hodhi shteti dhe po aq të hedhura nga krimi, patronazhimit, presioneve të çdo forme, korruptimit me para e favore shtetërore.

Edi Rama përdori edhe manipulimin e votës së diasporës për ta rrëmbyer edhe mandatin e 9-të siç e deklaroi me siguri të madhe në “memorandumin” e Kuçit. Nuk ia doli. Ky është fakt. Por sidoqoftë nuk është ngushëllim./ CNA





Lajmet e fundit nga