web counter
LEXO PA REKLAMA!

SHKARKO APP

App Store
Google Play

E fundit!

x

Ngjarjet kriminale në Sarandë/ Zhupa: Gjendje e jashtëzakonshme, policia monitorim urgjent

22 Korrik 2025, 12:20, Politikë CNA

Ngjarjet kriminale në Sarandë/ Zhupa: Gjendje e jashtëzakonshme,

Deputetja e Partisë Demokratike, Ina Zhupa, në një deklaratë për mediat është ndalur te ngjarjet e fundit kriminale të ndodhura në Sarandë.

Zhupa tha se 4 ngjarje kriminale për vetëm 6 ditë është një bilanc i një gjendjeje të jashtëzkonshme.

Deputetja u shpreh se nevojitet urgjent një monitrorim i gjendjes në Sarandë dhe shtim i vëmendjes policore.

"Në kulmin e sezonit turistik, Saranda është kthyer në një qytet arenë të përplasjeve kriminale dhe hesapeve të pandara, ndërkohë që policia duket se është me pushime. Persona të armatosur apo në kërkim lëviznin lirshëm në qytet dhe prej ditësh ku kanë pasuar ngjarje kriminale ku për mosveprim apo lejim të shtetit, Saranda nuk po gjen qetësi. 4 ngjarje kriminale vetëm në 6 ditë në Sarandë, është një bilanc gjendjeje të jashtëzakonshme dhe tmerri për banorët.

Më 17 korrik, dy grupe përplasen me armë zjarri në mes të ditës në lagjen numër 4, në sy të pushuesve. 19 korrik, në Ksamil, pronari i 'Euro Hotel' u dhunua me sende të forta, 20 korrik pati të shtëna me armë zjarri në lagjen numër 4, në rrugën 'Mitat Hoxha' ku u plagos një ish-efektiv policie, dje, natën e 21 korrikut, shpërthim tritoli në lagjen nr. 3. Të gjitha ngjarjet në ambiente publike në qytetarë dhe pushues, duke vënë në rrezik dhe jetën e tyre. Në qytet është krijuar një situatë paniku për jetën nga qytetarët dhe këto lajme thuajse të përditshme për Sarandën janë negative për turizmin dhe i largojnë pushuesit nga qyteti. I bëj thirrje ministrit të Brendshëm Hoxha dhe drejtorit të Policisë së Shtetit Proda të marrin masat e nevojshme për rend dhe siguri. Policia ka për detyrë të parandalojë, të kontrollojë territorin, dhe jo të numërojë viktimat dhe të plagosurit pas ngjarjeve. Është i nevojshëm një monitorim urgjent i gjendjes në Sarandë dhe shtim të vëmendjes policore përpara se njerëz të pafajshëm të jenë viktimat e radhës. Mos e përdorni policinë për të hequr vazot e luleve në baret e hapura, por për të garantuar jetën e qytetarëve", tha Zhupa./ CNA





Lajmet e fundit nga