web counter
LEXO PA REKLAMA!

SHKARKO APP

App Store
Google Play

“Ligj me listë të zezë për ndërtuesit abuzues”/ Rama: Asgjë e ndërtuar pas vitit 2020 nuk legalizohet

21 Korrik 2025, 19:34, Politikë CNA

“Ligj me listë të zezë për ndërtuesit

Kryeministri Edi Rama, në fjalën e tij gjatë mbledhjes së kësaj të hëne, u ndal gjerësisht te çështja e ndërtimeve pa leje dhe legalizimeve.

Rama tha se shumë shpejt do të miratohet ligji për krijimin e një liste të zezë për ndërtuesit dhe investitorët që abuzojnë me territorin dhe shkelin lejet e marra për ndërtim.

“Kemi diskutuar dhe do të miratohet me ligj krijimi i një liste të zezë të ndërtuesve dhe investitorëve që abuzojnë me territorin dhe shkelin lejet e ndërtimit. Kush hyn në listën e zezë do humbasë të drejtë të marrë leje ndërtimi dhe do penalizohet nëse përfshihet në industrinë e ndërtimit. Do marrim masa për një kategori ndërtuesish shumë problematikë, si ata mashtruesit te zona ku ishim së bashku me ministrin e Drejtësisë, që nuk linin banorët të futeshin në pallat, apo edhe të tjerë si ata, që i lënë blerësit e apartamenteve të tyre në rrugë, pa dokumente hipotekore, ose duke bërë edhe shitje të dyfishta. Masat për këtë kategori do jenë drastike dhe ju bëj thirrje të vrapojnë ta zgjidhin këtë problematikë sa pa dalë së shpejti ky akt normativ, se pastaj do gjejnë një bela që do ta kenë shumë të vështirë”,-tha Rama.

Sa i përket procesit të legalizimeve, Rama theksoi se asgjë e ndërtuar pas vitit 2020 nuk do legalizohet.

“Legalizimi, është një terminologji abuzive e përdorur nga individë, subjekte që për qëllim fitimi fillojnë zaptime të hapësirave publike dhe pastaj bëjnë vetëdeklarimin që i fut si individë në proces legalizimi. Procesi i legalizimit me ligj është mbyllur në vitin 2020, që asgjë e ndërtuar pas vitit 2020 nuk legalizohet. Do t’i konsiderojmë të pavlefshme të gjitha vetëdeklarimet për godinat apo ngrehinat me qëllim fitimi, nuk jemi këtu për të diskutuar shtëpitë e familjeve që kanë ndërtuar një shtëpi për të futur kokën, dhe interesi publik do prevalojë në të gjitha rastet kur do duhet të bëhet një ndërhyrje dhe askush nuk mund të nxjerrë një copë letër të thotë jam në proces”,-tha Rama./CNA

 





Lajmet e fundit nga