web counter
LEXO PA REKLAMA!

SHKARKO APP

App Store
Google Play

“Do konfiskojmë ngrehinat e viteve ‘90-të”/ Rama: Jo më shkelje me lejet e ndërtimit me 2%

21 Korrik 2025, 19:27, Politikë CNA

“Do konfiskojmë ngrehinat e viteve ‘90-të”/ Rama: Jo

Kryeministri Edi Rama zhvilloi këtë të hënë një takim me deputetët e zgjedhur të Tiranës dhe drejtorët e bashkisë së kryeqytetit.

Në fjalën e tij, Rama u ndal te ndërtimet e braktisura dhe siguroi se do të konfiskohen ngrehinat e viteve ’90-të.

Gjithashtu, Rama theksoi se nuk do lejohen shkeljet e lejeve të ndërtimit me 2% e kufijve të lejes.

“Do të marrim një tjetër masë për të konfiskuar në interes të publikut të gjitha ndërtimet e braktisura dhe të gjitha ngrehinat e braktisura nëpër Shqipëri që nga vitet ’90, që qëndrojnë si karakatinë dhe që kanë edhe problematika të natyrës mjedisore dhe të shëndetit të njerëzve. Do të sqarojmë përfundimisht edhe aspektin me të cilin kanë luajtur shumë njerëz të sistemit të drejtësisë, që kanë mbajtur anë e kanë shkelur edhe të ligjshme edhe të ndërlikuara, kur vjen puna te shkelja e lejes së ndërtimit me 2% të kufijve të lejes. 2% është krejtësisht e arsyeshme që është edhe në vende të tjera të botës, por kur ky 2% kapërcehet, kjo do të provokojë sekuestrimin e menjëhershëm të të gjithë ndërtimit, jo të një pjese. Paligjshmëria është e plotë sepse shkelje në ndërtim dhe ndërtimi i volumeve shtesë për qëllim fitimi bëhen në vetëdije dhe janë një shkelje në vazhdim e ligjit. Kjo do të sjellë kalimin menjëherë të asaj prone në dyert e shtetit”,- tha Rama./CNA





Lajmet e fundit nga