web counter
LEXO PA REKLAMA!

SHKARKO APP

App Store
Google Play

Balla: Do ta mbajmë fjalën e dhënë për një konsullatë shqiptare në Kretë

20 Korrik 2025, 20:27, Politikë CNA

Balla: Do ta mbajmë fjalën e dhënë për një

Ministri i Shtetit dhe drejtuesi politik i Partisë Socialiste për diasporën, Taulant Balla, gjatë një vizite në Hania të Kretës, u ndal te voat e shqiptarëve në diasporë në zgjedhjet e 11 majit 2025.

“Vota e diasporës ishte një votë historike dhe shumë e qartë për drejtimin që duhet të ecë Shqipëria jonë. Dy ndër tre shqiptarë në diasporë votuan Edi Ramën dhe Partinë Socialiste, për ta përmbyllur këtë dekadë me Shqipërinë në BE.”-tha Balla.

Gjatë takimit me komunitetin shqiptar në Kretë, Balla theksoi rëndësinë e votës së diasporës si një moment kthese në marrëdhënien e shtetit shqiptar me qytetarët që jetojnë jashtë vendit.

“Ju falënderoj për mikpritjen dhe për votën tuaj historike të 11 majit. Vota e diasporës ka çelur një etapë të re në marrëdhënien e shtetit shqiptar me ju. Na duhet të bëjmë më shumë për çdo shqiptar që jeton në çdo cep të globit dhe të Greqisë,”-u shpreh Balla.

Balla siguroi angazhimin për të forcuar lidhjen me diasporën dhe për të garantuar të drejtat e shqiptarëve kudo që ndodhen, si hapja e konsullatës shqiptare në Kretë.

“Do ta mbajmë fjalën e dhënë për një konsullatë shqiptare në Kretë”,-tha Balla./CNA





Lajmet e fundit nga