web counter
LEXO PA REKLAMA!

SHKARKO APP

App Store
Google Play

Shembjet në Theth/ Meta: Opozita duhet të ishte atje, që ditën e parë të agresionit të dhunshëm

18 Korrik 2025, 17:57, Politikë CNA

Shembjet në Theth/ Meta: Opozita duhet të ishte atje, që

Kryetari i Partisë së Lirisë, Ilir Meta në një intervistë për Syri.net ka folur për opozitën dhe shembjet e ndodhura në Theth.

Meta tha se opozita me 50 mandate mund të bëjë një barrikadë në mbrojtje të demokracisë dhe duhet të ishin në Theth në mbështetje të banorëve.

Në këtë mënyrë thotë, Meta, qytetarët do të besojnë opozitën dhe faktin që kauzat e opozitës janë nëë interes të qytetarëve.

Më tej, kreu i PL tha se një opozitë e mirëorganizuar do të shkërmoqë “kalanë e rërës” të |Ranës të ngritur mbi vjedhje dhe korrupsion.

“Opozita me 50 mandate mund të bëjë një barrikadë të pakapërcyeshme në mbrojtje të demokracisë, të Kushtetutës, të të drejtave të njeriut. Duhet të ishin atje në Theth që ditën e parë të agresionit të dhunshëm ndaj qytetarëve të Thethit, bashkë me deputeten Greta Bardeli.

Sepse vetëm kështu edhe qytetarët do ta besojnë opozitën dhe kauzat e saj në interes të tyre. Një opozitë e pakompromis dhe e mirëorganizuar në një kohë shumë të shpejtë, e shkërmoq këtë kala rëre të ngritur mbi vjedhje, korrupsion dhe intimidim. Rama e di shumë mirë se përfaqëson pakicën e pakicës, por ai ka mbizotëruar së pari duke korruptuar drejtuesit e opozitës në të kaluarën dhe duke investuar për përçarjen e saj dhe persekutimin e atyre që as i ble dot e as i shantazhon dot”, tha Meta./ CNA





Lajmet e fundit nga