web counter
LEXO PA REKLAMA!

SHKARKO APP

App Store
Google Play

Apeli i GJKKO la në fuqi masën/ Meta nga qelia: Falë drejtësisë së “re”, sistemi është përmbysur

18 Korrik 2025, 17:34, Politikë CNA

Apeli i GJKKO la në fuqi masën/ Meta nga qelia: Falë

Kryetari i Partisë së Lirisë, Ilir Meta ka dhënë një intervistë nga qelia për Syri.net.

Meta ka folur për vendimin e Apelit të GJKKO për të lënë në fuqi masën e sigurisë ndaj tij, vendim për të cilin tha se s’ka asnjë arsye për të ndenjur në paraburgim.

Kreu i PL ka thënë se sistemi drejtësisë është përmbysur dhe oficerët e policisë mbikëqyrin gjyqtarët.

 

“Dy herët e para edhe pse vendimet e tyre, pas arrestimit tim, ishin të padrejta edhe i kam mirëkuptuar, pasi e di se në çfarë presioni kanë qenë nga i gjithë regjimi, i cili më donte patjetër në burg për shkak të zgjedhjeve të 11 Majit. Por tani, kur po bëhen 9 muaj nga dita e rrëmbimit tim, kur hetimet janë shtyrë 2 herë, kur jo vetëm nuk ka asnjë provë kundër meje, por edhe prova të pretenduara më parë nga SPAK-u kanë rënë, për çfarë arsye duhet të rri unë në paraburgim? Sepse SPAK-u bën analiza financiare të personave që nuk kanë asnjë lidhje me mua, e të cilët gëzojnë liri të plotë! Kjo është një situatë skandaloze, por në diktatura nuk bëhet fjalë as për proces të rregullt ligjor e as për gjykata të pavarura. Sidomos për gjykatësit e posaçëm, të cilët jo vetëm janë përzgjedhur në mënyrë të “posaçme”, por me ligj mbikqyren në mënyrë të përhershme nga oficerët e BKH-së, e cila është në varësi të SPAK-ut, i cili është palë në procesin e gjykimit. Në të gjitha sistemet që Gjykata Europiane e të Drejtave të Njeriut ka patur rastin të vlerësojë në lidhje me mbikqyrjen sekrete, shqetësimi ka qenë se veprimet e autoriteteve policore do të kufizohen dhe kontrollohen nga gjyqtarë të pavarur. Ndërsa te ne, falë drejtësisë së “re”, sistemi është përmbysur dhe oficerët e policisë mbikqyrin gjyqtarët”, tha Meta.





Lajmet e fundit nga