web counter
LEXO PA REKLAMA!

SHKARKO APP

App Store
Google Play

E fundit!

x

Konflikti mes pronarëve të hoteleve në Ksamil/ Teliti: Ndodh për shkak të mungesës së planifikimit nga autoritetet

20 Korrik 2025, 11:28, Politikë CNA


Konflikti mes pronarëve të hoteleve në Ksamil/ Teliti: Ndodh

Këshilltari për Çështjet Ekonomike në PD dhe njëkohësisht nënkryetari i Këshillit Bashkiak Tiranë, Dorjan Teliti përmes një njoftimi në rrjetet sociale ka reaguar për  konfliktin në Ksamil duke ngritur shqetësimin ndaj politikave qeveritare për hapësirat publike, duke i konsideruar të papërshtatshme.

 

Teliti dënon dhunën e ushtruar dhe vë gishtin te moskoordinimi i institucioneve në terren.

 

"Dhuna duhet ndëshkuar, por kush e ndezi shkëndijën e konfliktit në Ksamil?

Së pari, dënoj me forcë dhunën e përdorur, pasi çdo mosmarrëveshje, pavarësisht natyrës, nuk zgjidhet kurrë me sherr e dhunë. Kjo është një pikënisje e qartë dhe e pandryshueshme.

Por, le të thellohemi pak më shumë: kush e shkaktoi këtë konflikt në radhë të parë? Përgjigja na çon direkt te shteti dhe ligjet e tij. Që prej vitit të kaluar, hotelerive u është dhënë e drejta që të zotërojnë edhe çadrat e tyre në plazh. Kjo masë, ndonëse mund të ketë pasur synime të mira, la pas dore realitetin ekzistues.

Për 13 vite rresht, një lokal funksiononte, i cili ishte pajisur me leje në atë pjesë të plazhit për të vendosur cadrat, duke pasur një aktivitet të konsoliduar shumëvjecar me çadrat e tij.

Kur pronari i hotelit kërkoi lirimin e hapësirës (në zbatim të ligjit), u përball me "rezistencën legjitime" të pronarit të lokalit, i cili kishte një histori 13-vjeçare të përdorimit të lejuar nga shteti të asaj zone.

Kjo situatë nxjerr në pah një problem serioz: "mungesën e planifikimit afatgjatë dhe koordinimit nga ana e autoriteteve".

Si mundet që ligje të reja të hyjnë në fuqi dhe të zbatohen pa marrë parasysh investimet dhe aktivitetet ekzistuese, të cilat janë zhvilluar pikërisht me bekimin dhe lejen e vetë shtetit? Kjo paqartësi dhe ndryshim i papritur i rregullave është një burim i vazhdueshëm konfliktesh dhe pasigurie për biznesin.

Është koha që shteti të marrë përgjegjësitë e veta dhe të shmangë krijimin e situatave të tilla ku qytetarët dhe bizneset detyrohen të bien ndesh me njëri-tjetrin për shkak të vendimeve të nxituara dhe të pakoordinuara. Dhuna në këtë rast ishte pasojë, por shkaku është shpeshherë më i thellë dhe kërkon zgjidhje politike dhe administrative", shkruan Teliti./CNA





Lajmet e fundit nga