web counter
LEXO PA REKLAMA!

SHKARKO APP

App Store
Google Play

“Kodi elektoral kërkon konsensus”/ Klosi: Rezultati i PS-së nga 11 maji është forcë për analizë

19 Korrik 2025, 16:46, Politikë CNA

“Kodi elektoral kërkon konsensus”/ Klosi: Rezultati i

Sekretari i Përgjithshëm i Partisë Socialiste, Blendi Klosi u shpreh sot lidhur me ndryshimet e pritshme nga jeta e re parlamentare, që nis në shtator, pas rezultatit të zgjedhjeve të 11 majit.

Klosi u ndal te kodi elektoral, që sipas tij kërkon dakodësim dhe që çështja të mos lihet për në minutin e fundit.

Sa i përket rezulatit të PS-së nga zgjedhjet parlamentare, Klosi e cilësoi si një mbështetje, që përtej shifrave, sjell një fuqi të madhe për reflektim.

 “Kodi elektoral kërkon konsensus. Do të ishte shumë mirë, që me fillimin e sesionit parlamentar të kishim një kod elektoral të dakordësuar mos ngeleshin gjërat për minutën e fundit, sepse jeta parlamentare dhe politike ka treguar këto zgjidhjet e minutës së fundit gjithmonë krijojnë anomalira të procesit dhe dakordësisë në këtë proces. Edhe kjo jetë e re parlamentare do të jetë e suksesshme falë kontributit të deputetëve që kanë qenë pjesë e parlamentit shqiptarë së bashku me energjinë e deputetëve të ri, por pa dyshim me një jetë parlamentare të konsoliduar, me struktura parlamentare të konsoliduara. Nuk besoj se në parlament, numri i mandateve nuk dëshmon forcën parlamentare, por forcën e mbështetjes që ke nga njerëzit dhe PS këtë votë të madhe nuk e merr si një avantazh për forcë kartoni, por si një forcë më të madhe për të analizuar, veten e saj dhe sfidat që ka”,-tha Klosi./CNA





Lajmet e fundit nga