web counter
LEXO PA REKLAMA!

SHKARKO APP

App Store
Google Play

E fundit!

x

“Në orën 11:00 të gjithë te bashkia”/ Berisha, thirrje Ramës: Ndalo terrorin mbi opozitën

31 Tetor 2024, 08:29, Politikë CNA

“Në orën 11:00 të gjithë te bashkia”/ Berisha,

Kreu i PD-së, Sali Berisha, ka publikuar fjalimin e djeshëm të mbajtur para banesës së tij ku u bën thirrje qytetarëve që të mblidhen të gjithë në orën 11:00 para Bashkisë së Tiranës.

Një thirrje tjetër ka pasur dhe për kryeministrin Edi Rama, ku i kërkon të ndalojë terrorin mbi opozitën se nuk ka forcë në botë që mund të mposhtë popullin e revoltuar.

Fjalimi i plotë i Berishës

Në ora 11:00 të gjithë te bashkia. Edi Rama, ndalo terrorin mbi opozitën se, nuk ka forcë në botë që të mposhtë popullin e revoltuar.

Mirëmbrëma dhe përshëndetjet e mia më miqësore, më të përzemërta, ju misionareve dhe misionarëve të kauzës së drejtë të çdo qytetari shqiptar.

Një përshëndetje të përzemërt, oratorëve të kësaj platforme të fjalës së lirë, që mbrojnë me guxim të vërtetat që fsheh dhe përfaqëson ky regjim.

Por sonte në mënyrë të veçantë, dua të përshëndes përzemërsisht zonjën Alban Vokshi, drejtuesit e Lidhjes Demokratike, zonjat e nderuara, që trajtuan në fjalimet e tyre, me aq dhembshuri, vërtetësi, një nga problemet më të dhimbshme sot për nënat, vajzat, gratë, motrat shqiptare.

Një përshëndetje të përzemërt, të gjitha zonjave, zonjushave, grave, vajzave, motrave, kudo që janë.

Përkushtimi i këtij aktiviteti sot, Tetorit Rozë, është një thirrje për të gjitha vajzat, gratë, nënat, motrat, të tregojnë vëmendje maksimale, për shëndetin e tyre, për mbrojtjen e tyre nga njëri prej armiqve më të egër të shëndetit të tyre, siç është kanceri i gjirit.

Përkujdesja, diagnoza e parakoshme, e hershme, është një nga kushtet më të rëndësishme të parandalimit të kancerit.





Lajmet e fundit nga