web counter
LEXO PA REKLAMA!

SHKARKO APP

App Store
Google Play

E fundit!

x

Inceneratori fantazmë i Tiranës/ Balliu: Do të djegë 13 milionë euro nga taksat e shqiptarëve në 2025

30 Tetor 2024, 12:48, Politikë CNA

Inceneratori fantazmë i Tiranës/ Balliu: Do të djegë 13

Koordinatori rajonal i PD-së për Tiranën, Klevis Balliu, në një deklaratë për mediat denoncoi se inceneratori inekzistent i Tiranës do të djegë edhe 13 milionë euro të tjera nga taksat e qytetarëve shqiptarë në vitin 2025.

“Inceneratori që nuk djeg mbeturina, sepse nuk ekziston do të djegë edhe 13 milion euro të tjera nga taksat e qytetarëve shqiptarë në vitin 2025.

Ky incenerator inekzistent do të gllabërojë plot 9% të buxhetit të sanksionuar për financimin e kontratave PPP.

Jo vetëm që këto kontrata kanë rezultuar korruptive, si sterilizimi, inceneratori e të tjera pafund, por qeveria ka në plan të rrisë vjedhjet me koncesion, pasi në projektbuxhetin e 2025 planifikohet një rritje me 1.4 % të financimeve të këtyre kontratave korruptive.

Projektbuxheti i vitit 2025 nuk bëhet për shqiptarët, por për hajdutët strategjikë dhe për vjedhësit sistematikë të arkës së shtetit dhe zgjedhjeve.

Fakti që inceneratori i Tiranës bën sikur ekziston dhe SPAK bën sikur e heton, ndërkohë që Tirana është nën plehra dhe Veliaj bën sikur pastron, tregon vetëm një gjë.

Që pas zhvatjes kanë kaluar në tallje. Që janë bërë të gjithë bashkë Qeveri, Bashki dhe Drejtësi kundër popullit, kundër secilit prej jush, kundër të ardhmes së vendit dhe fëmijëve të çdo shqiptareje e shqiptari.

Shiheni Tiranën dhe rrugët, lumenjtë e kanalet në të gjithë vendin: janë të mbushur me plehra dhe ndotja është në nivelin e getove të Bombeit.

E dimë se kush paguan taksë financiare dhe shëndetësore, siç dimë se ku shkojnë këto miliona euro.

E dimë se taksa më të lartat në rajon për inceneratorin që nuk ekziston janë plan gjakftohtë i Edi Ramës dhe bandës së tij që të vjedhin për të mbajtur pushtetin.

Me paratë që ju vjedhin paguajnë mediat e kapura, të njohura si mediat e inceneratorëve për të sulmuar zërat denoncues qofshin këta gazetarë apo politikanë të opozitës.

Këta nuk janë qeveritarë, por pushtues dhe si të tillë duhen trajtuar.

Duhen rrëzuar para se të jetë vonë.

Duhet qeveri teknike asnjanëse që garanton zgjedhje të lira.

Duhet Komision parlamentar i së Vërtetës që identifikon lidhjet e pushtetit me krimin dhe i zhbën ato përmes një procesi publik.

Duhet shtet i së drejtës për të gjithë qytetarët.

Duhet që Shqipëria të shpëtojë, njëherë e përgjithmonë, nga kthetrat e Aleancës së Qelbësirave”, tha Balliu.

Balliu ndër të tjera njoftoi qytetarët që të bashkohen në protestën e së enjtes, para bashkisë së Tiranës.

"Ftojmë të gjithë shqiptarët, qytetarët e Tiranës, t’i bashkohen revoltës popullore, e cila po shtrihet në të gjithë Shqipërinë.

Nesër në ora 11:00 vazhdon rezistenca qytetare tek Bashkia e Tiranës, aty ku gatuhet çdo ditë vjedhja e qytetit dhe qytetareve të Tiranës”, u shpreh Balliu.

Të njëjtën thirrje e bëri më herët edhe Belind Këlliçi, drejtuesi politik i PD-së për qarkun e Tiranës./ CNA





Lajmet e fundit nga