E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

“Në moshën 5-vjeçare më morën për qitje”/ Rrëfimi i rrallë i Berishës për fëmijërinë e tij

3 Prill 2023, 19:05, Politikë CNA

“Në moshën 5-vjeçare më morën për

Kryedemokrati, Sali Berisha, njoftoi sot “Podcast-in” e tij “Përtej Politikës”, në të cilin do të ketë me biseda me personazhe nga fusha të ndryshme.

Berisha "sfidoi" edhe kryeministrin, ku i bëri thirrje që debatin e shumëpritur publik ta bëjnë ose në "Podcast-in" e tij ose në "Podcast-in" e Ramës, duke vënë gjithashtu në pikëpyetje edhe kurajon për pranimin e ftesës.

Në kanalin e “Youtube”, Berisha ka publikuar episodin e parë, në të cilin rrëfehet për fëmijërinë e tij. Berisha rrëfehet nga lindja në fshatin Viçidol në Tropojë, te adhurimi për xhaxhain e tij, e te qitja në moshën 5-vjeçare.

“Unë kam lindur në fshtin Viçidol në Kodrën e Priftit, pas konvertimit ajo ndryshoi edhe emrin. Fshati është një luginë e bukur dhe dominohet nga kjo kodër mbi të cilën nuk ka shtëpi të tjera. Kam lindur më 15 tetor të vitit 1944. Hapat e para dhe fjalët e para unë i kam shqiptuar në një kullë. Askënd nuk kisha më të adhuruar se xhaxhain tim, i cili menaxhonte familjen, pronat, aktivitetet me një aftësi të admirueshme dhe ishte padiskutim për të gjithë familjen, njeriu më i dashur dhe i respektuar. Ishte një kalorës shumë i veçantë. Ai vishej bukur me kostume malësori dhe në çdo pesë javë ata bënin qitje. Në qitje mendoj se nga mosha 5-vjeçare na kanë marrë dhe ne fëmijëve, kryesisht djemve, por dhe vajzat që donin. Për djemtë ishte e detyruar, do shkojnë të provojnë qitjen. Qitja, të jepej një fishek për fëmijët dhe në rast se i afroheshe shenjës, kishe të drejtë ose përfitoje dhe nje fishek të dytë, më shumë se kaq jo. Pra kulla, qitja i jepnin një lloj karakteri të veçantë, një lloj dimensioni, si të themi lehtësisht luftarak apo ushtarak fëmijës që në fillim,” shprehet kryedemokrati Berisha.