LEXO PA REKLAMA!

SHKARKO APP

E fundit!

x

Ndërtimet pa leje/ Berisha akuza Qeverisë: Shtesat e pallateve janë të deputetëve dhe oligarkëve

14 Shtator 2022, 19:05, Politikë CNA
Ndërtimet pa leje/ Berisha akuza Qeverisë: Shtesat e pallateve
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka hedhur akuza ndaj Qeverisë, teksa është ndalur tek nisma për konfiskimin e ndërtimeve pa leje.

Gjatë takimit me banorë të Shijakut, Berisha tha se Qeveria po përpiqet të lajë duart me xhunglën e ndërtimeve që ka krijuar në Tiranë.

Sipas tij, shtesat e pallateve pa leje janë të deputetëve dhe të oligarkëve.

“Është krijuar një klimë në të cilën qeveritarët i lejojnë vetes t'i thonë çdo gjë qytetarëve, sikur qytetarët janë kukulla, nuk janë qenie reale. Del aty zëdhënësja e Edi Ramës, para kamerave tek një pallat dhe thotë; Misteri i këtij pallati. Misteri i ryshfetit të pallatit. Po kujt ia thotë, si mund ta thotë një qeveritare. Mister thotë, 2 nëntokë e 7 mbi tokë, si doli ky. Ky është mister, mister ryshfeti.

Përpiqen t'i lajnë duart me këtë xhungël në Tiranë që kanë krijuar me ndërtimet, sikur nuk kanë ligje, nuk kanë jetuar dhe në fund i legalizon. I ka që të gjitha shtesa të partisë, të deputetëve, oligarkëve. Demokratët nuk e shkelin ligjin. Në fund thotë se meqë ato janë të ndaluara, do të bëjmë ligj për t'i legalizuar. As ka ligj, as ka Maliq, por ka vetëm një kaos të vërtetë”, theksoi ish-kryeministri./ B.A. – CNA.al

Lajmet e fundit nga