LEXO PA REKLAMA!

SHKARKO APP

Meta i kundërpërgjigjet Braimllarit me fjalët e Stalinit

17 Prill 2024, 11:40, Politikë CNA
Meta i kundërpërgjigjet Braimllarit me fjalët e Stalinit
Ilir Meta

Një ditë më parë, përmes një mesazhi të gjatë në rrjetet sociale, Endrit Braimllari konfirmoi krisjet dhe përplasjet brenda PL-së.

Braimllari tha se i gjendur në kushtet e pamundësisë për të kryer funksionin e nënkryetarit të partisë, për shkak të faktorëve të brendshëm ka vendosur të japë dorëheqjen nga ky funksion.

Në lidhje me këtë reagim, kreu i Partisë së Lirisë, Ilir Meta u shpreh sot para gazetarëve se e mirëpret Braimllarin në Konventë dhe tha se janë gazetarët ata që po bëjnë diversion me këtë situatë. Ai iu drejtua Braimllarit me fjalët e Stalinit. 

"Unë këto gjëra nuk i kam dëgjuar në ndonjë mbledhje kryesie. Unë këto gjëra nuk besoj kurrë ti ketë thënë Endriti. Është i mirëpritur në Konventë. E di që ka qenë i zënë me një aktivitetet në Skrapar dhe e përgëzoj,  por presim me shumë dashuri që t'i thotë këto gjera në konventë. Ju do bëni diversion. Meqë po citoni zotin Endrit, unë po citoj Stalinin: Kur vija politike është e qartë, faktor vendimtar për fitoren mbetet organizimi", u shpreh Meta./CNA 

Lajmet e fundit nga