web counter
LEXO PA REKLAMA!

SHKARKO APP

App Store
Google Play

E fundit!

x

Kazanët e Ramës dhe Veliajt si inceneratori i Tiranës

16 Prill 2024, 18:23, Politikë CNA

Kazanët e Ramës dhe Veliajt si inceneratori i Tiranës

Sot afër mesditës, CNA ishte media e parë dhe e vetme, e cila i çoi dy pyetje zyrtare, kreut të SPAK, zotit Altin Dumani.

Nëpërmjet zëdhënëses së tij fillimisht, dhe më pas ai u përgjigj edhe personalisht, duke dhënë sqarimin pas akuzave të hedhura nga ish-presidenti Ilir Meta në drejtim të tij.(Lexo ketu)

Lajmi si zakonisht mori dhenë.

Por ajo që ishte më qesharake ishte sjellja e disa kolegëve, të cilët nuk duam t’i paragjykojmë për paaftësinë e tyre profesionale, apo për mungesën e etikës, apo për vjedhjen e lajmeve, dhe kjo për shumë prej tyre është bërë rutinë.

Por kryesisht për mediat që ata përfaqësojnë, të cilat janë kazanët e mëdhenj të Edi Ramës, dhe mediat e paguara nga inceneratorët.

Pasi CNA publikoi lajmin, dhe e konfirmoi zyrtarisht zoti Dumani qëndrimin e tij për Ilir Metën, më pas një pjesë gazetarësh gjetën një formë tjetër joetike, sharlataneske, duke riverifikuar lajmin e CNA-së, por kjo s’ka rëndësi.

Dhe për më tepër e krijuan lajmin si burim të tyrin.

Ndërkohë që përgjigja e dhënë nga SPAK, ishte e njëjta e dhënë për CNA, në çdo rast.

Vetëm në Shqipëri mund të ndodhë, që gazetarët e paguar me miliona në mediat kryesore, të mos nxjerrin dot lajmin, dhe më pas të marrin lajmin e kolegëve të tyre, dhe ta citojnë si një qëndrim personal të marrë prej tyre.

Pra, marrin, riverifikojnë lajmin, dhe kjo nuk ka asgjë të keqe. Por më pas e personalizojnë, duke gënjyer duke thënë që është ekskluzivja e tyre.

Në fakt, thjesht dhe vetëm tregojnë se kazani i Ramës dhe Veliajt, gatuar tek inceneratori që mungon i Tiranës, paguar me paratë e shqiptarëve të varfër, nuk do ta mundë dot kurrë të vërtetën, as lajmin as profesionalizmin.

Edhe pse milionat po hidhen pa ndalim.

Për propagandë politike, qeveritare dhe opozitare kundër SPAK-ut, sepse ajo që bashkon mediat e kazanit të Ramës dhe Veliajt, është beteja kundër SPAK dhe korrupsionit./ CNA

 





Lajmet e fundit nga