web counter
LEXO PA REKLAMA!

SHKARKO APP

App Store
Google Play

E fundit!

x

Materialet nga dosjet e SPAK-ut/ Fundo: Personat kanë patur dijeni dhe kanë disponuar dokumente, akte e sekrete hetimore

2 Prill 2025, 22:39, Politikë CNA

Materialet nga dosjet e SPAK-ut/ Fundo: Personat kanë patur dijeni dhe

Gazetari Elvi Fundo tha sot se personat që kanë vjedhur materialet nga dosjet e SPAK-ut, kanë patur dijeni dhe kanë disponuar dokumente, akte e sekrete hetimore. Fundo zbuloi shumë prej detajeve gjatë një interviste për gazetarin Blendi Fevziu në emisionin “Opinion”. 

Fundo tregoi se bëhet fjalë për materiale shumë të rëndësishme.

Fundo tha se rezulton që materialet jenë çuar jo vetëm në numrin e tij të telefonit, por edhe në gazetarë të tjerë dhe se nuk janë shpërndarë nëpër media.

“Unë kam komunikuar më pas edhe me atë numër të cilit i kam thënë do t’i shoh me kujdes, besoj javën tjetër merrem me këto. Ka qenë gjyqi ndaj kryebashkiakut Erion Veliaj dhe nuk kishim vëmendje nuk mund t’i ndiqja dot sepse ishim duke ndjekur Apelin.

Janë materiale shumë të rëndësishme.

Por çfarë ndodh?

Këto materiale më pas SPAK duhet të ketë qenë ndoshta në survejancë ose në vëzhgim pasi personi pas disa orësh është arrestuar po në datën 12 mars.

Sipas urdhrit që ka ardhur, që është urdhër i ruajtjes së sekretit hetimor, ka ardhur me firmën e prokurorit të SPAK,  Bledar Maksuti.

Urdhri është i së njëjtës ditë, unë jam telefonuar më datë 13 mars në mëngjes dhe sipas këtij urdhri bëhet me dije për çfarë janë hetimet, pra kujt i përkasin këto hetime, janë fraksione dosjesh, personash të tjerë dhe aty thotë që ky shtetas është ndaluar nga ana e policisë gjyqësore shtetasi Zambak Gjoni, personi i parë, i cili rezulton pronari i numrit që më ka çuar mua mesazhet, por rezulton të mos i ketë çuar vetëm në numrin tim i ka çuar dhe në gazetarë të tjerë.

Nuk i ka shpërndarë nëpër media, janë të paktën dy persona të identifikuar unë dhe një gazetar tjetër i opozitës.

Personat kanë patur dijeni apo kanë disponuar dokumente apo akte, sekrete hetimore, identitete, aktivitete etj.

Prokurori më pas thotë se urdhërohet ruajtja e sekretit hetimor, aktet janë sekrete. Nuk i kam publikuar materialet që kam në celular”,-u shpreh Fundo. /CNA





Lajmet e fundit nga