Kandidatët e PD-së për zgjedhjet e 11 majit/ Berisha: Ekipi më fantastik për Shqipërinë

2 Prill 2025, 16:29, Politikë CNA

Kandidatët e PD-së për zgjedhjet e 11 majit/ Berisha: Ekipi

Sot u prezantua programi për Rininë i PD-ASHM, në Amfiteatrin e Universitetit të Arteve ku i pranishëm ishte edhe kreu i PD-së, Sali Berisha. Në fjalën e tij, Berisha theksoi se nuk ka pasur asnjëherë më parë një ekip me personalitete të reja dhe të spikatura si ekipi i Partisë Demokratike.

Berisha, pasi përmendi të gjithë kandidatët e PD-së për zgjedhjet e 11 majit, u shpreh me vlerësimet më të larta për kandidatët e rinj.

Berisha tha se të gjithë kandidatët janë njerëz të shquar, të suksesit, por edhe atdhetarë të flaktë, patriotë të vërtetë, që kanë vendosur t’i përkushojnë të gjitha energjitë e tyre një misioni të madh për Shqipërinë.

“Të dashur të rinj dhe të reja të FRPD. Një përshëndetje të përzemërt për të gjithë ju këtë, por një përshëndetje të përzemërt për anëtarët e këtij forumi kudo që ndodhen sot, në Shqipëri dhe jashtë saj.

Një përshëndetje të përzemërt drejtuesve të këtij forumi, z.Besart Xhaferri dhe Grigels Muçollari, dhe sh-drejtuesi i FRPD, drejtuesi politik i Qarkut të Tiranës, z.Belind Këlliçi.

Para se të nis fjalën time, kam nder dhe kënaqësi të ftoj, të bashkohen këtu ekipi i kandidatëve të rinj, i cili është ekipi më i mirë, më fantastik që Shqipëria ka njohur ndonjëherë në zgjedhje të përgjithshme parlamentare.

Ndaj dhe ftoj, z. Adriatik Hoxha, z.Akil Kraja, z.Albi Jahelezi, z.Alis Narazani, znj.Andia Ulliri, znj. Armonela Marku, z.Arnold Kariqi, z.Aulon Kalaja, z.Aurel Markaj, z.Belind Këlliçi, Besart Xhaferri, Bledion Nallbati, Denisa Vati, Edison Doçi, Elda Hoti, Elmira Ndreveshaj, Elton Roshi, Elvira Peka, Erisa Xhixho, Fation Semanjaku, Fatmira Kola, Fidel Kreka, Gazment Bardhi, Genti Çela, Gentian Koçi, Gentian Ndoj, Gersa Rudha, Ilirjana Kuçana, Ina Zhupa, Ira Boja, Jola Hysaj, Jonathan Pano, Jorida Mazeliu, Klevis Balliu, Klodian Çapja, Kristiano Koçibelli, Lisandër Hoxha, Lorenca Hoxha, Maltin Dogani, Mario Runa, Matilda Qurku, Melisa Vuthaj, Nada Daullja, Ndrec Pjetri, Parid Mahmutaj, Pranvera Kurbalaj, Renato Kumuria, Rivelino Çuno, Romario Meminaj, Samena Malenaj, Senada Mehmeti, Shyqyri Myrtollari, Silvia Hasaj, Tedi Kopliku, Valbona Doko, Viola Kullolli, Xhulja Xheka.

Kurrë ky kryeqytet nuk ka patur, kurrë zgjedhjet parlamentare të përgjithshme në Shqipëri nuk kanë patur një ekip me personalitete të reja, të spikatura. Njerëz të shquar, të suksesit. Por atdhetarë të flaktë, patriotë të vërtetë, që kanë vendosur t’i përkushojnë të gjitha energjitë e tyre një misioni të madh, një misioni shpëtimtar për Shqipërinë”,-tha Berisha./CNA