E fundit!

21:02 Aktualitet

Vrasja e efektivit/ Klodiana Lala: Duhet hetim i thelluar, kemi një dëshmor por asnjë dorëheqje

Gazetarja Klodiana Lala ka deklaruar se duhet një hetim i ...

Kush i vodhi dosjet e SPAK-ut/ Gazetari Fundo zbulon skemën dhe kush fshihet pas tyre

2 Prill 2025, 22:21, Politikë CNA

Kush i vodhi dosjet e SPAK-ut/ Gazetari Fundo zbulon skemën dhe kush

Gazetari Elvi Fundo ka zbuluar sot se kush i ka vjedhur dosjet e SPAK-ut. Fundo ndau detajet gjatë një interviste për gazetarin Blendi Fevziu në emisionin “Opinion”.

Fundo tregoi sot se si një numër i panjohur i ka dërguar me mesazh 3 dosje të Prokurorisë së Posaçme, në 12 mars, në të njëjtën ditë kur ishte edhe seanca gjyqësore ndaj kryebashkiakut Erion Veliaj.

Në dosje përfshiheshin një deputet, kandidat dhe ish-ministër i qeverisë Rama; një zonjë, si dhe një biznesmen.

Fundo tha se fillimisht ka marrë një dokument koncentrat të hetimeve të SPAK-ut ndaj një politikani.

Fundo u shpreh se mesazhi përmbante një material voluminoz prej 91 faqesh në total.

Fundo shtoi se kjo mund të ketë qenë një mënyrë që të tërhiqej vëmendja nga gjyqi i Veliajt.

“Dokumenti i parë thotë zoti Fundo po ju përcjell një material voluminoz me koncentrain e hetimeve të SPAK-ut ndaj x politikani. Aktualisht është politikan i Parlamentit dhe kandidat për deputet dh ish-ministër i qeverisë Rama.

Në mesazh thotë: “Nëse keni durim ta lexoni ka pafundësisht prova dhe fakte, bashkëpunime me biznesmenë të ndryshëm, të fuqishëm”.

Mesazhi është dërguar në 09:50, unë në atë moment kam qenë duke udhëtuar për në Këln, kur u ktheva në shtëpi rreth orës 14:40 vjen mesazhi i dytë 5 faqe dhe mesazhi i tretë 10 faqe. Ekzaktësisht në total janë 91 faqe.

“Bashkëngjitur keni këqyrjen e telefonit të shtetases xy njerëzit e afërt të bzinesmenit xy nën hetim për afera”

I treti ishte biznesmeni, por nuk duhet të duken emrat se ka ardhur një urdhër nga SPAK-u.

Këto dokumente kanë ardhur si materiale më 12 mars pikërisht kur ishte gjyqi i kryebashkiakut Erion Veliaj dhe unë kam menduar që ka qene një tip spin që të tërhiqej vëmendja nga gjyqi

Ky person sipas kërkimit rezulton të ketë qenë ish-zyrtar i Drejtorisë së Burgjeve, ish-drejtor i Burgut të Vlorës.

Gjithashtu së bashku me këtë është arrestuar edhe shtetasi Ardnold Rrokaj, punonjës i IMT, i cili është arrestuar më 13 mars",-tha Fundo./CNA