web counter
LEXO PA REKLAMA!

SHKARKO APP

App Store
Google Play

Masa e sigurisë për Ilir Beqajn/ Vjen reagimi i parë nga radhët e PS-së

18 Nëntor 2023, 18:02, Politikë CNA
Masa e sigurisë për Ilir Beqajn/ Vjen reagimi i parë nga
Selia e PS-së

Mbrëmjen e kësaj të shtune ka ardhur reagimi i parë nga radhët e PS-së për masën e sigurisë që GJKKO cakoi ndaj ish-ministrit të Shëndetësisë, Ilir Beqaj, për koncesionin e sterilizimit.

Është Sekretari i Përgjithshëm i Partisë Socialiste, Blendi Klosi, ai i cili foli për këtë masë sigurie gjatë një interviste me gazetaren Nisida Tufa.

Klosi tha se SPAK po bën detyrën dhe PS nuk i kundërshton vendimet e drejtësisë. Ai deklaroi se rasti i Beqajt nuk i bën socialistët të ndihen mirë, por mund të thonë që realizuan Reformën në Drejtësi.

“SPAK po bën detyrën. Nuk është proces që e kemi anatemuar dhe kundërshtuar. Ne me bindje e kemi ndërtuar këtë rrugëtim të gjatë të organeve të reja të drejtësisë. Drejtësia e pavarur po funksionon, po punon, ka procedurat e saj në shqyrtim.

Nuk na bën të ndihemi mirë, por na bën të themi që atë që premtuam, e realizuam. Kemi një sistem të pavarur të drejtësisë dhe para saj të gjithë janë të barabartë. Nuk e dha dorëheqjen se pranon që është në faj, por për t’i hapur rrugë hetimeve dhe të mos ndikojë në rrjedhshmërinë e procesit. Është i zhveshur nga detyrat, për të mos krijuar idenë se po mbrohet nga detyrat që ka”, theksoi Sekretari i Përgjithshëm i PS-së./ CNA





Lajmet e fundit nga