web counter
LEXO PA REKLAMA!

SHKARKO APP

App Store
Google Play

E fundit!

x

“Me 40 mijë lekë nuk gjejmë dot arkitekt”, Ilir Xhakolli i "qahet" Maznikut, tri kërkesat

17 Nëntor 2023, 14:13, Politikë CNA
“Me 40 mijë lekë nuk gjejmë dot arkitekt”, Ilir
Ilir Xhakolli, kryetar i bashkisë Pogradec

Kryetari i Bashkisë së Pogradecit, Ilir Xhakolli, ka pritur ditën e sotme në një takim pranë bashkisë, ministrin e shtetit për Çështjet e pushtetit vendor, Arbjan Mazniku.

Ky i fundit ka qenë i shoqëruar nga ministri i Mbrojtjes Niko Peleshi, ndërkohë që fokusi i takimit ishte diskutimi i problematikave dhe kërkesave të pushtetit vendor. Gjatë diskutimeve, Xhakolli u ndal në tri çështje të rëndësishme, ku përfshihet heqja e fashës për nivelin e pagave, ndihmë për borxhin publik si edhe financimi i projektit për akset e Mokrrës.

"Ne menduam që të bëjmë një takim me të gjitha bashkitë, të dëgjojmë nga secila bashki për problemet që ka. T'i sistemojmë, t'i strukturojmë siç po bëjmë dhe të shohim që cilat janë problemet që janë të përgjithshme që shumë bashki i kanë, dhe që duke i zgjidhur, por edhe të shohim cilat janë problemet specifike që një bashki ka që të kemi mundësi t'i asistojmë në ato çështje."- tha Mazniku.

“E para është për pjesën e fashës së pagave që duhet ta heqim. Nga 0-50 mijë banorë është kaq paga, pra Peqini ka 50 mijë banorë, ndërsa unë kam njësoj.  Për çdo bashki duhet hequr ajo sepse nuk mund të gjesh një arkitekt me 400 mijë lekë. E dyta është borxhi publik. E gjeta 6 milionë euro dhe tani e kemi kaluar këtë fazë, por sërish nuk e përballojmë dot. Kemi turizëm të mirë, por agroturizmin nuk e bëjmë dot sepse na mungon infrastruktura në zonën e thellë të Mokrës. I kemi kërkuar qeverisë disa investime në rrugë. Ne mendojmë se baza e zhvillimit të turizmit në Pogradec janë tri rrugë në Llëngë, Dishnicë dhe Nicë” -kërkoi Xhakolli.

Për më tepër, ministri Mazniku, ka kërkuar që kërkesat lidhur me këto problematika të listohen dhe të paraqiten zyrtarisht pranë ministrisë që ai drejton.

“M'i çoni të shkruara se më ndihmon shumë kur e marrim të shkruar se edhe e ndërlidhim p.sh., çështjen e pagave. E dyta dua një listë të projekteve që ju keni dhe e treta dua një listë për buxhetin e të ardhurave të bashkisë për 2 vitet e fundit dhe nëse keni një plan për 2024. E katërta edhe një listë të të gjithë strukturës së organikës me nivelin e pagës që keni për të gjitha pozicionet, por edhe të vakancave. Kështu do të kuptojmë edhe cilat janë problemet në të cilat fusha nuk po gjeni dot punonjës” – ishin porositë që la ministri Mazniku.

Ky ishte takimi i radhës, pas turit të takimeve që është organizuar nga ministri Mazniku, ndërsa fokus kryesor krahas diskutimeve të problematikave, mbetet edhe zhvillimi i marrëdhënieve të pushtetit lokal me atë qendror./CNA





Lajmet e fundit nga