E fundit!

18:12 Aktualitet

Zjarr në unazën jugore të Elbasanit/ Shpërthime gjatë operacionit për shuarjen e flakëve

Një zjarr ka përfshirë pasditen e sotme një sipërfaqe tokë...

"Je i ashpër"/ Berisha zbardh bisedën me zv/kryeministrin italian për emigrantët

16 Nëntor 2023, 13:20, Politikë CNA

"Je i ashpër"/ Berisha zbardh bisedën me zv/kryeministrin

Sali Berisha

Sali Berisha, kreu i Partisë Demokratike, ka rrëfyer sot në një konferencë për media telefonatën me zv/kryeministrin italian Antonio Tajani, pas deklaratës për mospranimin e marrëveshjes mes Shqipërisë dhe Italisë për pranimin e emigrantëve.

Berisha tha se Tajani e ka marrë në telefon dhe i ka thënë se deklarata e tij për emigrantët ishte pak e ashpër.

Kreu demokrat sqaroi se i është përgjigjur Tajanit duke thënë se nuk mund të pranojë që vendi ynë të ngrejë një valë antiemigrante dhe ksenofobie, por se personalisht ishte kundër pasi akti është në kundërshtim me Kushtetutën, dhe Konventën Evropiane të të Drejtave të Njeriut.

“Nuk mund të pranoj në vendin tim të ngrejë një valë antiemigrante dhe ksenofobie. Unë i përkas një force politike të qendrës së djathtë dhe protestat i bëjnë ekstremet. E treta, nuk jam dakord sepse në mënyrë absolute, akti është në kundërshtim me Kushtetutën, me konventën evropiane të të drejtave të njeriu. Disa orë pasi jam shprehur para jush më ka marrë në telefon zv/kryeministri i Italisë, Antonio Tajani, të cilin e njoh prej 30 vitesh. Më thotë e pamë atë deklaratë dhe ishte e ashpër. I thashë i nderuar mik, për këto arsye që u thashë edhe ju, nuk mundem dhe nuk mund të ketë protesta që të nxisin ksenofobinë. Nuk mundet të organizoj protesta as kundër Italisë, por gjykoj se Italia si njeri që kam qenë President dhe kryeministër, Italia ka dhënë ndihmë të paçmueshme për këtë vend. Ka dhënë miliarda, por ka qenë edhe një lloj universiteti. Në konceptin tim nuk protestohet kundër vendeve të lira. Nuk mund ta krahasoj kurrë një vend të lirë me Serbinë,” – tha Berisha.

Berisha ka pranuar kështu se për çështjen e emigrantëve, demokratët nuk do të protestojnë pasi kjo bie në kundërshtim me forcën politike të djathtë së cilës i përket edhe vetë ish-kryeministri./CNA