E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia. Për Zvërne...

Berisha për gjykatësen e SPAK: Të mos fshihet, të pranojë nëse e kam shkarkuar për shkelje ligji e korrupsion

15 Nëntor 2023, 14:47, Politikë CNA

Berisha për gjykatësen e SPAK: Të mos fshihet, të

Sali Berisha

Sali Berisha, kryetar i partisë Demokratike ka kërkuar që gjykatësja e SPAK Irena Gjoka e cila ka dhënë vendimin për çështjen Berisha.

Në një konferencë për mediat kreu demokrat kërkoi që gjykatësja të mos fshihet pas krimit të saj por të deklarojë hapur nëse ky i fundit e ka shkakruar apo jo në 1996 me motivin për shkelje të rëndë të ligjit dhe korrupsion.

“Gjykatësja, turpi i drejtësisë shqiptare, evropiane dhe botërore, nuk duhet të fshihet prapa krimit të saj. Por të deklarojë në emër të detyrimit ligjor, jo integritetit, se ajo ka zero integritet personal, por në emër të detyrimit ligjor, të deklarojë a është shkarkuar apo jo nga Sali Berisha në vitin 1996, për shkelje të rëndë ligji dhe korrupsion. Të dalë dhe të deklarojë, nuk mund të fshihet. Është turpi i njeriut, jo i gjykatëses. E di çfarë u tha ajo avoketërve? Nuk jap dorëheqjen, tha, se nuk më sollët prova që unë jam shkarkuar. E kuptoni apo jo? Nuk ka ndërgjegje ajo. Provë, arkivë në ndërgjegjen e saj njerëzore nuk ekziston. Arkivë në ndërgjegjen e saj njerëzore nuk ekziston për ato që ka bërë.Tani mbahet me premtimin që i ka dhënë direkt Edi Ramës për masën që ka marrë.” – tha Berisha.

Ai kërkoi me ngulm që gjyqtarja të japë një përgjigje për gjithë pyetjet ndërsa e ironizoi duke e quajtur skllave të Ramës.

“Asaj zonje i them unë, ki grimcën më të vogël të integritetit moral, profesional, integritetit njerëzor, të tregosh se je shkarkuar apo jo nga Sali Berisha për korrupsion në një datë të caktuar, në një muaj të caktuar në vitin 1996. Dhe nëse e ke deklaruar këtë shkarkim në ato deklarimet që ke bërë për vetingun apo nuk e ke deklaruar? Për të mos thënë ca pyetje të tjera, por po mjaftohem vetëm me këto. Këto të dyja. Shkoni, bëjani asaj. Pyeteni se ajo nuk është asgjë tjetër veçse një skllave mjerane në shërbim të Edi Ramës. Dhe unë për çdo skllav, kam mëshirë.” – deklaroi Berisha./CNA