web counter
LEXO PA REKLAMA!

SHKARKO APP

App Store
Google Play

U vetëofrua për emigrantët/ Kryebashkiaku demokrat: Kjo është çështje humane, jo politike

15 Nëntor 2023, 20:27, Politikë CNA
U vetëofrua për emigrantët/ Kryebashkiaku demokrat: Kjo
Kryebashkiaku i Fushë-Arrëzit, Hil Curri

Kryebashkiaku i Fushë-Arrëzit, Hil Curri i dërgoi dje një letër kryeministrit Edi Rama, ku vetëofrohej për të strehuar emigrantët që do vinin nga Italia.

Për këtë kërkesë të tij ka folur sërish sot kryebashkiaku demokrat. Ai tha në një dalje televizive se kërkesa e tij në thelb ka pjesën humane.

Curri deklaroi se kampet nuk do bashkohen me komunitetin dhe ai do të mbrojë interesat e qytetarëve.

“Unë kam drejtuar një kërkesë që ka në thelb pjesën humane. Në pozicionin e kryetarit të bashkisë, unë do të them dy fjalë, pasi vij nga shoqëria civile. Kam dalë me koalicionin ‘Bashkë Fitojmë’ dhe mosreagimi im mendova që ishte gjëja që ne si komunitet do të kemi lidhje me pjesën humane ndër vite. Kjo është me vëllezërit tanë kosovarë, me hebrenjtë, me italianët gjatë luftës. Kështu që kjo është pjesë humane. 

Duke ndjekur me vëmendje pjesën e kampeve të mbyllura që nuk kanë lidhje me komunitetin dhe duke ditur rëndësinë që kanë kampet e mbyllura, duke bërë një sensibilizim qytetar për ta. Shkresa ime drejtuar të gjithë institucionet, pasi duke filluar nga unë dhe çdo vajzë dhe djalë është prit nga vendet e unionit të BE. Ne kemi për detyrë ata njerëz që në këtë moment presin një reagim nga shoqëria shqiptare.

Kryeministri e shpjegoi live në intervistë dhe bëri mirë që nuk e përfshiu anën politike. Pasi kjo është çështje humane që i përket çdo kryebashkiaku. Unë si kryebashkiak mbroj interesat e qytetarëve”, theksoi ai./ CNA





Lajmet e fundit nga