LEXO PA REKLAMA!

SHKARKO APP

Leskaj kujton Havzi Nelën/ Shqipëria postkomuniste ende vazhdon të vuajë nga ata që e varën

10 Gusht 2022, 22:13, Politikë CNA
Leskaj kujton Havzi Nelën/ Shqipëria postkomuniste ende vazhdon
Deputeti Bujar Leskaj

Deputeti Bujar Leskaj ka përkujtuar Havzi Nelën në 34-vjetorin e ndarjes nga jeta.

Me anë të një statusi në rrjetet sociale, Leskaj kujton se si Nela u var në litar dhe debatet për krimet e komunizmit dhe autorët e tyre 34 vite pas kësaj ngjarjeje.

Ai thekson se sot, Shqipëria postkomuniste ende vazhdon të vuajë nga ata që dënuan, firmosën e varën Havzi Nelën.

“34 vite më parë, mësuesi poet, Havzi Nela, u var në litar në 10 gusht 1988.

Trupi i tij u mbajt gjithë ditën i varur në qendër të qytetit të Kukësit.

Qëllimi ishte të terrorizonin të mëdhenj e të vegjël.

Por e keqja s’kishte fund.

Trupin e tij e morën dhe e futën vertikalisht në një vrimë të krijuar nga heqja e një shtylle druri.

Havzi Nelës i privuan mundësinë për t’u shtrirë si të gjithë të vdekurit.

Qëndroi në atë mënyre për pesë vite e dhjetë ditë, deri më 20 gusht 1993.

34 vjet pas varjes në litar të poetit të fundit antikomunist në Evropë ende debatojmë për krimet e komunizmit dhe autorët e tyre.

34 vite më pas, Shqipëria postkomuniste ende vazhdon të vuajë nga ata që dënuan, firmosën e varën Havzi Nelën.

34 vite më pas, edhe pse jemi anëtarë të NATO-s dhe vend kandidat për BE, bijtë e etërve komunistë, ndoshta më të sofistikuar, por po aq të ligj, antinjerëzorë, antishqiptarë e vrasës sa etërit e tyre deklarojnë se prindërit e tyre ishin “Në anën e duhur të Historisë!”, shkruan deputeti./ B.A. – CNA.al

Lajmet e fundit nga