LEXO PA REKLAMA!

SHKARKO APP

PD harron bashkëqeverisjen Rama-Meta/ Reagon ashpër ish-anëtari i Këshillit Kombëtar

10 Gusht 2022, 09:15, Politikë CNA

PD harron bashkëqeverisjen Rama-Meta/ Reagon ashpër ish-anëtari i

Ish-anëtari i Këshillit Kombëtar të PD-së, Edvin Kulluri, ka komentuar lëvizjet e partive politike, që sipas tij nuk marrin asnjë përgjegjësi.

Kulluri është kthyer pas në kohë, duke rikujtuar që këta të cilët akuzojnë njëri-tjetrin kanë qenë bashkë në pushtet.

Ilir Meta dhe Edi Rama kanë bashkëqeverisur dhe e gjitha çfarë po ndodh, sipas tij, është spektakël politik.

“Spektakli politik vazhdon.

Asnjë aktor politik nuk merr asnjë përgjegjësi. Të gjithë tallen ose janë të çmendur.

Partia e Lirisë përjashton veten nga koalicioni me Ramën duke e quajtur “qeverisja 10-vjeçare e Ramës” a thua se në koalicion me Rilindjen në vitet 2013-2017 ishte PD!

Lul Bashën e quajnë “dështim” a thua se në koalicionin e dështuar opozitar me Republikën e Re të dështuar ishte Rama”, shkruan Kulluri në rrjete sociale.

Ai nuk kursen as PD që sipas tij, ka harruar katër vitet e Rilindjes PS+LSI.

“PD akuzon Rilindjen si 'qeveri kriminale', por harrojnë që 4 vitet e para Rilindja ishte PS+LSI!

Pastaj harrojnë që bënë qeveri të përbashkët në 2017.

Ndërsa për Lul besë-prerin fajin e kishte Rama që e mbante në krye të PD me votat e vetë këtyre që e akuzojnë për 'besë-prerë'!

Rama për gjithë dështimet e qeverisë akuzon opozitën që ka 9 vite që është larguar nga pushteti dhe për 4 vitet e para 2013-2017 LSI e tenxhereve dhe tepsive që e thirri vetë në koalicion.

Kurse Luli i shkretë të paktën është zhdukur nga qarkullimi në pritje të një vendimi gjykate kundër Kuvendit të 11 dhjetorit për të filluar kurset e kantos tek shkallët e godinës së PD”, përfundon Kulluri./CNA.al

Lajmet e fundit nga