LEXO PA REKLAMA!

SHKARKO APP

Berisha kujton kohën e diktaturës/ Kush dilte jashtë rrymës letrare të regjimit, pushkatohej

10 Gusht 2022, 20:18, Politikë CNA
Berisha kujton kohën e diktaturës/ Kush dilte jashtë rrymës
Ish-kryeministri Sali Berisha

Teksa foli për 34-vjetorin e ndarjes nga jeta të poetit Havzi Nela, ish-kryeministri Sali Berisha ka kujtuar kohën e diktaturës.

Gjatë një takimi me qytetarë, Berisha tha se shkrimtarët që dolën kundër rrymës së regjimit, u pushkatuan.

Kreu i PD-së deklaroi se ata ishin njerëz të lirë që nuk pranuan të bëheshin ‘inxhinierë të shpirtit’ siç donte t’i cilësonte diktatura shkrimtarët.

“Pasi hoqi me ndërhyrjen e SHBA dhe OKB-së kampet e përqendrimit që i mbajti për disa vite dhe ushtroi gjenocid në këto kampe, mban njërin në Kuç, i fundit. Këta 100 burra dhe gra që ishin në Kuç, 60 prej tyre ishin të shkolluar në universitete në perëndim. Duhej zhdukur dhe ai dekapitoi në tërësi elitën tonë kombëtare të formuar në perëndim.

Më pas ai u tregua po kaq mizor ndaj të gjithë atyre që guxuan në letrat shqipe të dalin jashtë doktrinës zhdanonivste që e konsideronte letërsinë, shkrimtarët dhe poetët si inxhinjerë të njeriut të ri. Çdo gjë që do të dilte jashtë kësaj kornize do të pushkatohej dhe internohej. Këtë fat pësuan me dhjetëra shkrimtarë poetë.

Këtë fat pësuan Trifon Xhaxhika, Fadil Kokomani, këta ishin të plejadës së re. Më vonë të pavdekshmit, Vilson Blloshmi, Genc Leka vetëm e vetëm për poezitë e tyre sepse nuk pranonin kurrsesi të hyjnizonin të keqen, të glorifikonin antivlerat, anti kombin, por me shpirt donin ti paraqisnin shqiptarëve atë realitet. I tillë në këtë altar pushon poeti Havzi Nela, i cili qëndroi i pamposhtur dhe përdori vargun e tij për të qëndruar njeri”, theksoi Berisha./ B.A. – CNA.al

Lajmet e fundit nga