web counter
LEXO PA REKLAMA!

SHKARKO APP

App Store
Google Play

E fundit!

x

Kokalari: Berisha si Rama, ka 3 muaj kohë, ndryshe do të bëj unë parti konservatore

6 Janar 2023, 11:31, Politikë CNA

Kokalari: Berisha si Rama, ka 3 muaj kohë, ndryshe do të bëj

Aktivistja Evi Kokalari, ka komentuar një regjistrim të 32 viteve më parë, konkretisht të datës 4 janar 1991, ku shiheshin disa personazhe politike, si Sali Berisha, Azem Hajdari, Edi Rama dhe Sali Shijaku.

Në këtë takim, katër protagonistët flisnin me pasion dhe binin dakord me njëri-tjetrin, për të organizuar rrëzimin e një regjimi, regjimit komunist.

Me anë të një postimi në rrjete sociale Kokalari shkruan se kuptoi nga ky regjistrim, se prej 32 vitesh, lojtarët politikë janë të njëjtë.

Ndër të të tjera Kokalari shprehet se fatkeqësia është se PD-ja jo vetëm që s'ka ndërmend të bëhet konservatore, por kryesia e saj mbuloi të gjitha manipulimet që iu bënë “votës së lirë” në Këshillin Kombëtar dhe në garën e Forumit Rinor.

Më tej Kokalari ka sulmuar Primaret dhe për më tepër shkruan se Berisha dhe Rama janë të njëjtë.

Sipas saj, Berisha u kthye në betejë, prej damkës se DASH-it.

Kokalari paralajmëron Berishën, se nëse nuk bën një kthesë për dy-tre muaj, ajo do të krijojë një parti të re opozitare, atë konservatore.

“Dhe nëse kjo nuk ndodh dy-tre muajt e ardhshëm, një parti e re opozitare është e pa-evitueshme, dhe në terrenin politik të sotshëm, sinqeriteti dhe integriteti janë te vetmet virtyte që do fitojnë. Njerëzit janë të lodhur me sagën 32 vjeçare, ku Rama & Berisha dramatizojnë opozitarizmin ndaj njëri-tjetrit”, shkruan Kokalari në rrjete sociale.

Deklarata e plotë

Kokalari: Berisha si Rama, ka 3 muaj kohë, ndryshe do të bëj

E vetmja gjë që kuptova nga kjo video është që mbas 32 vitesh, lojtarët kanë ngelur po ata:

Edi Rama dhe Sali Berisha!!

Fatkeqësia është se PD-ja jo vetëm që s'ka ndërmënd të bëhet konservatore, por kryesia e saj, mbuloi të gjitha manipulimet që j'u bënë “votës së lirë” në Këshillin Kombëtar dhe në garën e Forumin Rinor, dhe jo vetëm kaq - por për t'ju thënë të gjithëve se “ne bëjmë ç'të duam”, dekoruan njëriun më mediokër, mashtrues dhe strumbullarin e manipulimeve, me kandidaturën “fituese” për t’u përballur me Velian.

Ndërkohë shesin primaret si koshër (proces të pastër dmth).

Audio e më poshtme, më bëri të ri-analizojë personin që kisha vënë në piedestal dhe për të cilin kisha dhëmbshuri si për një baba të dytë.

Tashti duket sikur Rama dhe Berisha janë njesoj! Ata janë vegël e një rregjimi që e ndërtuan vetë. Ata në fakt, janë themelues të rregjimit post-komunist!

Dy-tre mandate të tjerë mes Ramës dhe Berishës, do përfundojmë seriozisht në një rregjim të dytë 45-vjeçar.

Me pak fjalë, kjo biseda e 1991 bëhet pikërisht në prag të shkatërrimit të një rregjimi, dhe në prag të ndërtimit të një rregjimi zëvëndësues. Eshtë kaq e thjeshtë!!

Nuk do t'i shkruaja kurrë këto fjalë po qe se Berisha do ta kishte mbajtur fjalën dhe do ta konvertonte PD në një parti konservatore, ku vota e lirë vërtet do të mbrohej. Nuk do ti kushtonte gjë ta bënte. Ai vetë, është 78 vjeç. Karrierën politike e kishte të mbyllur.

U kthye në betejë, prej damkës se DASH. Ne - të gjithë në krahë!

Berisha kishte mundësinë të ndërtonte trashëgimin e tij politike, që do të ngelej në histori duke mundësuar një opozitë të fortë kundër korrupsionit më pervers në Ballkan – atë të Edi Ramës.

Thonë se shpresa vdes e fundit. Dhe unë vazhdoj të shpresoj që Berisha do bëj një kthim 180 gradë duke hapur partinë, dhe duke sjellë rreth vetes intelektual, sepse vetëm ata mund të fitojnë garat elektorale.

Dhe nëse kjo nuk ndodh dy-tre muajt e ardhshëm, një parti e re opozitare është e pa-evitueshme, dhe në terrenin politik të sotshëm, sinqeriteti dhe integriteti janë te vetmet virtyte që do fitojnë. Njerëzit janë të lodhur me sagën 32 vjeçare, ku Rama & Berisha dramatizojnë opozitarizmin ndaj njëri-tjetrit.

Në fakt, bazuar sërish tek audioja, lind pyetja a është Rama vërtet ideologjikisht socialist, apo thjeshtë e kishte kuptuar që PD-në s'ja merrte dot Berishës, kështu që i ju vu Nanos?

Po ta analizosh pak më thellë, duket sikur beteja nuk është për mbrojtje parimesh, por është thjeshtë ego pushteti. Ndryshe PD-ja sot, realisht do të ishte Parti Konservatore!/CNA.al





Lajmet e fundit nga