web counter
LEXO PA REKLAMA!

SHKARKO APP

App Store
Google Play

Grigels Muçollari: Kompania "5D" e drejtorëve të Veliaj e la rrugën të papërfunduar

25 Maj 2024, 11:00, Politikë CNA

Anëtari i Kryesisë në PD, Grigels Muçollari, denoncoi sot nga selia blu se një rrugë pranë Kinostudios në Tiranë, është lënë përgjysmë. 

Sipas tij, ky investim iu dha kompanisë së drejtorëve të Erion Veliajt, kompanisë "5D", e cila mori 4 milionë euro fond për të kryer punimet, por ende nuk kanë përfunduar. 

A u bëri thirrje qytetarëve që të bashkohen në protestën e së martës para Bashkisë së Tiranës.  

Deklarata e plotë: 

Korrupsioni i Bashkisë së Tiranës është një sfidë e madhe, një e keqe që i prek qytetarët, i dëmton ata, i ndikon jetën e përditshme. Korrupsioni i drejtuesve të bashkisë, i Erion Veliajt, ka të bëjë me njerëzit. Kur ata vjedhin, është një shërbim, është një investim, është një e mirë që u mohohet banorëve, familjeve, komunitetit.

Jemi këtu pranë Kinostudios në Tiranë, siç e shihni në një kaos urban, në një punë të lënë përgjysmë. Ky investim iu dha kompanisë së drejtorëve të Veliajt, ju dha të famshmes "5D".

Mbi 3 vite që kanë nisur punimet. Rreth 4 milionë euro fond nga taksat e qytetarëve të Tiranës. Ja ku jemi sot. Një ferr për banorët e për këdo që e sjell puna këndej.

Sipas kësaj tabele, që tani bashkia e ka hequr, rehabilitimi i qendrës Kinostudio, do të merrte 12 muaj. Kanë kaluar 3 herë nga 12 muaj.

Paratë me siguri drejtorët e Veliajt i kanë marrë se u duheshin për hotelin luksoz që po ndërtojnë në Durrës. Po detyrimi ndaj publikut, ndaj qytetarëve, ndaj ligjit?

Kush mban përgjegjësi sot për këtë katrahurë e abuzim?

Askush nuk ka dalë të japë një sqarim. Sepse ky nuk është i vetmi kantier i "5D"-së në Tiranë i lënë përgjysmë. Po ashtu është shëtitorja te Liqeni i Thatë.

Kush do përgjigjet pra?

Përgjegjës sigurisht është Erion Veliaj.

Për këto afera në kurriz të njerëzve ai duhet të shkojë sa më shpejt para ligjit dhe të largohet nga zyra që ka turpëruar.

I ftoj qytetarët të bashkohen në protestën para bashkisë të martën, për të kërkuar drejtësi. Drejtësi për ata, për banorët, për qytetin./CNA 

Grigels Muçollari: Kompania "5D" e drejtorëve të





Lajmet e fundit nga