web counter
LEXO PA REKLAMA!

SHKARKO APP

App Store
Google Play

E fundit!

x

Sekretarja e PD-së së Bashës: Bashkitë nuk realizuan 208 milionë euro investime   

24 Maj 2024, 15:39, Politikë CNA

Një nga sekretaret e partisë fantazmë të Lulzim Bashës, Alfrida Marku, në një dalje për mediat denoncoi bashkitë e vendit për abuzim me fondet dhe mosrealizimin e investimeve.

Marku tha se 55% e investimeve kapitale, me vlerë 208 milionë euro, nuk janë zbatuar përgjatë vitit 2023 nga bashkitë.

Ajo u shpreh se në pjesën më të madhe të bashkive nuk ka asnjë gjurmë të investimeve të prapambetura apo edhe investimeve të reja të parashikuara.

“55% e investimeve kapitale, me vlerë 208 milionë euro, të planifikuara për t'u zbatuar përgjatë vitit 2023 në 61 bashkitë në vendin tonë, nuk janë realizuar, duke mbartur fondet nga njëri vit buxhetor në tjetrin; duke shtyrë në kohë realizimin e investimeve të domosdoshme e për të cilat qytetarët kanë paguar faturën e taksave e tarifave vendore.

Sot, kur jemi në fund të muajit të pestë të vitit buxhetor, në pjesën më të madhe të bashkive nuk ka asnjë gjurmë të investimeve të prapambetura apo edhe investimeve të reja të parashikuara.

Bashkitë duhet të bëjnë transparencë dhe kanë detyrimin të japin llogari pse 208 milionë euro të paguara nga qytetarët e 61 bashkive, apo 55% e investimeve  kapitale të planifikuara, mbahen pezull: - paaftësi e administratës për të zbatuar projektet? -urdhër për të mos vepruar ndryshe ? - apo plane për të shtyrë në kohë zbatimin e projekteve dhe likujdimin e tyre, sa më afër periudhës zgjedhore?

Duke ndjekur me shqetësim gjendjen e rënduar të shërbimeve dhe mungesën e investimeve, korrupsionin që është kthyer në prioritet në bashkitë në vend, Partia Demokratike dhe përfaqësuesit e saj në Këshillat Bashkiakë, garantojnë qytetarët në angazhimin gjithmonë në mbështetje të interesit publik, duke denoncuar çdo rast abuzimi si dhe inkurajojmë autoritetet kompetente për të vënë para përgjegjësisë çdo funksionar të administrates vendore apo qendrore, te zgjedhur apo emëruar, shpërdoron autoritetin, besimin publik duke abuzuar me taksat e qytetarëve”, theksoi sekretarja e partisë fantazmë të Bashës./ CNA





Lajmet e fundit nga