Këlliçi “nxjerr zbuluar” Ndrecën/ Si tentoi të mashtrojë për drejtorët e Veliajt

23 Maj 2024, 22:43, Politikë CNA

Këlliçi “nxjerr zbuluar” Ndrecën/ Si tentoi të

Plarent Ndreca dhe Belind Këlliçi

CNA ka denoncuar prej kohësh lidhjet e drejtorëve të Erion Veliajt dhe përfshirjen e tyre në fushatat elektorale.

Deputeti i PS-së, Plarent Ndreca, një nga njerëzit pranë Veliajt, tentoi ta mohojë një gjë të tillë, duke thënë se drejtorët e arrestuar me urdhër të SPAK-ut nuk kanë qenë drejtues fushatash.

Megjithatë, Ndreca “doli zbuluar” nga drejtuesi i PD-së për Tiranën, Belind Këlliçi. Ky i fundit tregoi me emra drejtorët e Veliajt që kanë qenë përfshirë në fushatat elektorale dhe zonat ku ata kanë operuar.

“Konkretisht 3 drejtorët që janë sot në burg, Taulant Tusha ka qenë shef i fushatës, Mariglen Qato i deleguar te njësia 4, Redi Molla i deleguar te njësia nr 1. Ndërkohë nga ata që janë në detyrim paraqitje, Eglantina Zëre është kryetare e PS-së së Laprakës. Nëse zoti Ndreca nuk e njeh e ftoj të ma mohojë këtu. Dhe ndërkohë po ju marr vetëm një rast tjetër se këtë javë kemi bërë publikë dy administratorë komunash, të deleguarin politik të Dajtit, Qefalia, që me familjen e tij ka marrë 55 milionë euro tendera dhe nja 4 leje ndërtimi dhe rekordin Arben Malokun, drejtuesin politik të Zall Herrit, që ndërkohë që ishte punonjës dhe zyrtar i lartë i Bashkisë Tiranë ka marrë 34 milionë euro tendera nga Bashkia e Tiranës dhe 3 leje ndërtimi që shkojnë 30 milionë euro. Meqë nuk paskan qenë në fushatë këta”, theksoi Këlliçi.

Pjesë nga debati:

Këlliçi: Këta drejtorët që tha Ndreca nuk kanë qenë në fushatë, Konkretisht 3 drejtorët që janë sot në burg, Taulant Tusha ka qenë shef i fushatës, Mariglen Qato i deleguar te njësia 4, Redi Molla i deleguar te njësia nr 1. Ndërkohë nga ata që janë në detyrim paraqitje, Eglantina Zëre është kryetare e PS-së së Laprakës. Nëse zoti Ndreca nuk e njeh e ftoj të ma mohojë këtu. Dhe ndërkohë po ju marr vetëm një rast tjetër se këtë javë kemi bërë publikë dy administratorë komunash, të deleguarin politik të Dajtit, Qefalia, që me familjen e tij ka marrë 55 milionë euro tendera dhe nja 4 leje ndërtimi dhe rekordin Arben Malokun, drejtuesin politik të Zall Herrit, që ndërkohë që ishte punonjës dhe zyrtar i lartë i Bashkisë Tiranë ka marrë 34 milionë euro tendera nga Bashkia e Tiranës dhe 3 leje ndërtimi që shkojnë 30 milionë euro. Meqë nuk paskan qenë në fushatë këta.

Ndreca: Nuk thashë që nuk kanë qenë në fushatë. Thashë që nuk kanë qenë drejtues fushate.

Këlliçi: Në zonën e Zall-Herrit, ku nuk ka asnjë investim, asnjë punë të bërë në 8 vite nga bashkia, ka fituar Veliaj, pa shkuar asnjëherë me 72 për qind, ku drejtues politik ka qenë ky që ka marrë 34 milionë euro nga Ujësjellësi dhe Bashkia e Tiranës.

Ndreca: Nuk thashë që nuk kanë qenë në fushatë, nuk kanë qenë drejtues.

Këlliçi: Kanë qenë drejtues politikë.

Ndreca: Drejtues fushate ka qenë tjetër kush, kanë patur rol siç kanë të gjithë personat që punojnë në administratë. Nuk është e vërtetë kjo që janë punonjës të administratës dhe janë të sterilizuar nga aktivitetet politike. Po, kanë kufizime.

Këlliçi: Këta që ju përmenda unë kanë qenë të gjithë drejtues fushate. Këtë e di çdo njeri në Tiranë, nuk ka mundësi të mos e dish ti./ CNA