web counter
LEXO PA REKLAMA!

SHKARKO APP

App Store
Google Play

"Unë dhe nëna ime s'kërkuam asnjë metër katror"/ Rama sfidon himarjotët për konfliktet me pronat

24 Maj 2024, 11:19, Politikë CNA
"Unë dhe nëna ime s'kërkuam asnjë metër
Edi Rama

Kryeministri Edi Rama, gjatë takimit me banorët e Himarës për shpërndarjen e titujve të pronësisë, tha se i njeh shumë mirë konfliktet me pronat në këtë zonë. 

Duke iu referuar prejardhjes, pasi nëna e tij është nga Vunoi, Rama tha se asnjëherë nuk i ka kërkuar pronat që i takojnë, ndërsa shtoi se di çdo histori për këto çështje.

“Pronat e Himarës janë prona të mbështetura në letra, të lidhura me banorë këtu dhe jo në Hënë. Flasim me radhë. Ka probleme të regjistrimit dhe konflikte mes banorëve dhe anëtarëve të një familjeje dhe kjo e shkakton atë gjë. Ndaj shpeshherë këtu shiten pronat nga 2 ose më shumë herë. Flas me fakte, jo me fantazi. E njoh kaq mirë. Secili nga ju njeh pjesën e tij, unë pjesën e të gjithëve. Me radhë (Ka ndërhyrje nga banorët). Po ta përsëris, pretendimet e brendshme janë pa fund këtu, ‘e ke ti apo unë’. Kjo, për shkak të mungesës së regjistrimit. Në mënyrë të përsëritur kemi bërë thirrje për regjistrime për aplikim. Edhe këto 437 dokumente, certifikata, që kemi këtu sot, plus dhe disa të tjera që janë gati, por nuk janë këtu, janë 4 mijë për t’u bërë. Janë bërë me shtytje, me hosten, falë mbështetjes së prefektit që ia kam kërkuar që ditën e parë. I kam thënë: do të jesh prefekt i Vlorës, por do të kesh si detyrë që t'u japësh certifikatat e pronësisë banorëve të Himarës. Duhen bërë letrat siç duhet që nesër mos t’i kontestojë dikush. E njoh mirë unë këtë zonë, e njoh, e kam në gjak, ia di të tëra historitë. Mund të flisni ça të doni me ndonjë që vjen nga Durrësi dhe nuk di se ça bëhet. I di dhe konfliktet brendapërbrenda familjeve. Unë vetë dhe e ndjera ime më, nuk kemi kërkuar kurrë asgjë. Ju e dini mirë se ku e kemi rrënjën këtu, por nuk kemi kërkuar asgjë. Asnjë metër katror. Por ama nuk është se nuk e di historinë, dhe të pronës sonë atje", u shpreh Rama./CNA 





Lajmet e fundit nga