web counter
LEXO PA REKLAMA!

SHKARKO APP

App Store
Google Play

E fundit!

x

Berisha bën llogaritë/ Sa kushton një takim i Ramës me emigrantët

24 Maj 2024, 20:50, Politikë CNA

Ish-kryeministri Sali Berisha hodhi akuza ndaj kryeministrit Edi Rama për turin e takimeve me emigrantë shqiptarë që e nisi në Greqi, do ta vijojë në Itali dhe më pas edhe në shtete të tjera.

Berisha i cilësoi këto takime si ekskursione me patronazhistët, teksa përllogariti shpenzimet.

Sipas tij, kostot e transportit, të artistëve, sallave dhe dietave shkojnë deri në 2 milionë euro për takim.

“Me pafytyrësinë më të madhe, Edi Rama me hordhinë e patronazhistëve të tij kërkon të vijë të ju për takim.

Edi Rama kërkon t’ju takojë, pasi ju ka zbuar nga Shqipërisë dhe kërkon t'ju prishë qetësinë. T'ju trazojë stabilitetin e krijuar me sakrifica të panumërueshme. Edi Rama me patronazhistët e tij kërkon t'ju fusë edhe ju në propagandën e tij. Edi Rama thotë se po bën takim me emigrantët. Por e vërteta, që e panë me sy dhe e dëgjuan me veshë të gjithë shqiptarët ishte se ai po bën ekskursion me patronazhistët e tij të pangopur.

Nuk mund ta lejojmë kurrë këtë tallje. Nuk mund ta lejojmë Edi Ramën të shkojë në ekskursion me patronazhistët dhe të thotë takova emigrantët.

Një ekskursion, që po të llogaritet kostot e transportit të tyre me autobuzat, me tragete, me vetura personale, me avionë. Po të llogarisësh kostot e cirkut me këngëtarë dhe artistë, salla e stërsalla. Po të llogarisësh kostot e dietave e kësaj lukunie të pangopur, fatura që paguajnë taksapaguesit shkon 2 milionë euro për çdo takim”, deklaroi ndër të tjera Berisha./ CNA





Lajmet e fundit nga