web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive-Shehaj në shërbim të Ramës, bën gati kandidatin përballë opozitës

6 Tetor 2025, 21:03, Politikë CNA

Ekskluzive-Shehaj në shërbim të Ramës, bën gati

Agron Shehaj tashmë duket qartazi që është instrument dhe lojë e kryeministrit Edi Rama, ashtu si në zgjedhjet e fundit parlamentare që i dogji opozitës gati 50 mijë vota për të marrë vetëm dy mandate, me shpenzime miliona, tani ka vazhduar skemën e tij.

Pasi u sulmua me bizneset e tij Agron Shehaj filloi një skemë, atë të viktimizimit dhe shkoi gjeti strehën tek Edi Rama.

Shkoi dhe ndoshta duke dalë me parullën e opozitarit dhe të ndershmërisë mblodhi rreth vetes jo pak përfaqësues me vlera por kuptohet shumë prej tyre dhe të paguar.

Tani ka filluar të japë kusurin pas shpërblimit që ka marrë nga pushteti i kryeministrit Rama.

Propozoi një kandidat për Bashkinë e Tiranës, a thua se Agroni një individ me 1 apo 2 mandate mund të propozojë çfarë të dojë ai dhe patjetër emri që nxjerr duhet të jetë kandidat i opozitës pavarësisht vlerave që ka Ermal Hasimja.

PD pritej të shpallte kandidaturat. Dolën shumë prej tyre. U vendos Florjan Binaj nga partia më e madhe opozitare dhe e kanë mbështetur dhe 2-3 parti të tjera siç është Shqipëria Bëhet e Lapajt dhe Nisma Thurje që pavarësisht se u bënë palaço publik pas zgjedhjeve për mandatin, vota mblodhën më shumë se sa Agron Shehaj, pavarësisht numrit të mandateve.

Tani, Agroni në vend që t’i bashkohet opozitës për të treguar vlerat në një fushatë, pra, për tu bashkuar kundër qeverisë, kundër kryeministrit, pavarësisht se gara mund të humbet, i bën shërbimin Edi Ramës dhe ia lë fitoren Ogerta Manastirliut.

Burime për CNA thanë se Argon Shehaj do të nxjerrë një kandidaturë përballë Florjan Binajt për ta goditur opozitën por emri i tij ende nuk dihet.

Me shumë gjasa Ermal Hasimja pritet të mos pranojë. Ai do të hynte në garë vetëm në rast se, do të mbështetej nga i gjithë spektri opozitar.

Tani emri që Agron Shehaj pritet të sjellë do të zbulohet në vijim dhe do të jetë një kandidaturë përballë Manastirliut nga PS, Arlind Qorit i shpallur nga Lëvizja Bashkë  dhe Florjan Binajt i shpallur së fundi nga PD dhe një grup partish opozitare.

Agron Shehaj po shkon tashmë të flejë në shtratin e Edi Ramës për t’i shërbyer pushtetit. / CNA  





Lajmet e fundit nga