web counter
LEXO PA REKLAMA!

SHKARKO APP

App Store
Google Play

E fundit!

x

Mori mbështetjen e tre partive opozitare/ Florian Binaj: Kjo garë është për qytetarët e Tiranës

6 Tetor 2025, 20:53, Politikë CNA

Mori mbështetjen e tre partive opozitare/ Florian Binaj: Kjo garë

Florian Binaj ka reaguar përmes një postimi në rrjetet sociale për mbështetjen që PD, Shqipëria Bëhet dhe Nisma Thurje i kanë dhënë kandidimit të tij për bashkinë e Tiranës. 

Binaj shprehet se mbetet i hapur për mbështetjen edhe nga forcat e tjera opozitare. Ai ka falenderuar edhe qytetarët e Tiranës për inkurajimin, ndërsa shtoi se kjo garë është për ata vetë.

Binaj shkruan se deri më sot e ka luftuar padrejtësinë me humor, ndërsa shton se ka ardhur koha për ta luftuar edhe me votë. 

Reagimi i plotë: 

Falenderoj për mbështetjen që i dha kandidimit tim si kandidat i pavarur Partia Demokratike, Shqipëria Bëhet dhe Nisma Thurje.

Mbetem i hapur për çdo mbështetje që do të vijë nga forcat opozitare.

Dëshiroj mbi të gjitha të falenderoj me mijëra qytetarë të Tiranës, të cilët më kanë inkurajuar këto ditë.

Kjo garë është për ju! Unë nuk jam politikan, jam qytetar dhe partia ime jeni ju.

Deri më sot kam luftuar padrejtësinë dhe të keqen me humorin dhe artin tim, sot ju ftoj ta luftojmë me votë.

Të dënojmë ata që na vodhën dhe bënë humor me ne!

Ju ftoj të bëjmë bashkë mendjet dhe zemrat kundër pushtetit që po dhunon jetët dhe të ardhmen e fëmijëve tanë!/CNA





Lajmet e fundit nga