E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Tre emrat kryesorë në finishin e garës për kandidimin në Bashkinë e Tiranës

6 Tetor 2025, 12:34, Politikë CNA

Tre emrat kryesorë në finishin e garës për kandidimin

Partia Demokratike nuk shpalli një kandidaturë të sajën për zgjedhjet në Bashkinë e Tiranës dhe të kërkonte konsensus. Por doli me një version tjetër, priti të shpallej kandidatura nga të tjerët dhe tashmë po i shqyrton dhe negocion.

Sot është mbledhur Kryesia e vogël dhe pritet të ketë ende negociata në vazhdim, kryesisht me partitë e reja të vogla që kanë propozuar kandidatë. Siç është rasti i Partisë Mundësia të Agron Shehajt. Ky i fundit ka propozuar emrin e Ermal Hasimjes, që është një nga emrat më potencialë.

Emri i dytë është emri i Florjan Binajt, aktorit të talentuar, i cili është dhe një nga themeluesit e Lëvizjes “Shqipëria Bëhet” bashkë me Edlira Çepanin. Drejtuesi i kësaj lëvizje, Adriatik Lapaj, njoftoi se do të mbështesin në garën për Bashkinë e Tiranës pikërisht kandidaturën e Florjan Binajt.

Binaj duket se do të jetë më shpejt në “finish” dhe për faktin se drejton një emision investigativ dhe ka qenë mjaft i ashpër dhe i fortë në rolin e tij opozitar. Ndryshe nga Hasimja që është më klasik dhe më akademik.

Emri i tretë është Florian Haçkaj, i cili në fakt pas shpalljes së kandidaturës dhe është sulmuar për shkak të një vlerësimi që i ka dhënë kryeministri Rama si një ambasador në diasporë.

Me sa duket dy emrat më pranë finishit janë Binaj dhe Hasimja. Njëri si kandidat i “Mundësisë” dhe tjetri kandidat i pavarur i mbështetur nga Lëvizja “Shqipëria Bëhet”.

Ka dhe mjaft emra të tjerë si Adriana Kalaja, Edlira Çepani, Et’hem Aga, Gjergj Bojaxhiu.

Sipas burimeve zyrtare që ka CNA nga PD, Hasimja dhe Binaj janë dy emrat kryesorë në garë./CNA